PCN TVONLINE

ថ្ងៃអាទិត្យ ទី០១ ខែតុលា ឆ្នាំ២០៥០

គេហទំព័រ ទូរទស្សន៍ភីស៊ីអិន ធីវីអនឡាញ

ទំព័រដើម ព័ត៌មានជាតិ ព័ត៏មានអន្តរជាតិ ព័ត៌មានសន្តិសុខសង្គម ព័ត៌មានស៊ើបអង្កេត

ព័ត៌មានថ្មីបំផុត

នាយករដ្ឋមន្ត្រីចិនរៀបចំទទួលស្វាគមន៍ជាផ្លូវការនៃដំណើរទស្សនកិច្ចរបស់សម្តេចធិបតី ហ៊ុន ម៉ាណែត **|**

នាយករដ្ឋមន្ត្រីចិនរៀបចំទទួលស្វាគមន៍ជាផ្លូវការនៃដំណើរទស្សនកិច្ចរបស់សម្តេចធិបតី ហ៊ុន ម៉ាណែត

ប៉េកាំង៖ ពិធីទទួលជាផ្លូវការនៃដំណើរទស្សនកិច្ចរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៅក្នុងប្រទេសចិន បានចាប់ផ្តើមហើយនៅរសៀលថ្ងៃសុក្រ ទី១៥ ខែកញ្ញា ឆ្នាំ២០២៣នេះ។

ពិធីទទួលស្វាគមន៍ជាផ្លូវការនៃដំណើរទស្សនកិច្ចជាប្រវត្តិសាស្ត្ររបស់សម្តេចមហាបវរធិបតី ហ៊ុន ម៉ាណែត ត្រូវបានធ្វើឡើងនៅវិមានមហាប្រជាជនចិន ក្នុងរដ្ឋធានីប៉េកាំង ប្រទេសចិន។ លោក លី ឈាង នាយករដ្ឋមន្ត្រីចិន បានចេញមកទទួល និងស្វាគមន៍នូវដំណើរទស្សនកិច្ចរបស់សម្តេចធិបតី ហ៊ុន ម៉ាណែត ជាមួយការរៀបចំបែបបទពិធីការកម្រិតខ្ពស់។

កម្រាលព្រំពណ៌ក្រហមដ៏វែងអន្លាយ និងកងកិត្តិយសជាច្រើននាក់ ត្រូវបានរៀបចំទទួលនូវដំណើរទស្សនកិច្ចជាផ្លូវការរបស់សម្តេចធិបតី ហ៊ុន ម៉ាណែត។

សូមបញ្ជាក់ថា សម្តេចធិបតី ហ៊ុន ម៉ាណែត កំពុងនឹងបំពេញទស្សនកិច្ចជាផ្លូវការនៅក្នុងប្រទេសចិន។ នេះជាដំណើរទស្សនកិច្ចផ្លូវការនៅក្រៅប្រទេសលើកដំបូងរបស់សម្តេចធិបតី ហ៊ុន ម៉ាណែត ក្រោយទទួលបានការគាំទ្រពីប្រជាពលរដ្ឋ និងរដ្ឋសភាឱ្យដឹកនាំរាជរដ្ឋាភិបាល។

នៅមុនពិធីទទួលជាផ្លូវការនូវដំណើរទស្សនកិច្ចនេះ នៅព្រឹកមិញនេះ សម្តេចធិបតី ហ៊ុន ម៉ាណែត ក៏បានអញ្ជើញជួបសម្តែងការគួរសម និងពិភាក្សាការងារជាមួយប្រធានាធិបតីចិន លោក ស៊ី ជិនពីង និងប្រធានសភាប្រជាជនចិន លោក ចាវ ឡឺជី ផងដែរ។

តាមរយៈការជ្រើសយកប្រទេសចិន ជាគោលដៅទស្សនកិច្ចផ្លូវការលើកដំបូងនេះ នាំឱ្យការវាយតម្លៃថា នយោបាយរបស់សម្តេចធិបតី ហ៊ុន ម៉ាណែត បានផ្តល់សារៈសំខាន់លើទំនាក់ទំនងរវាងកម្ពុជា-ចិន ដែលជាទំនាក់ទំនងដ៏ស្អិតល្មួតជាប្រវេណី ជាទំនាក់ទំនងរឹងមាំដូចដែកថែម ទំនាក់ទំនង ដែលផ្តល់តម្លៃឱ្យគ្នា គោរពគ្នារយៈពេល៦៥ឆ្នាំមកហើយនោះ៕