PCN TVONLINE

ថ្ងៃច័ន្ទ ទី០៥ ខែមិថុនា ឆ្នាំ២០៥០

គេហទំព័រ ទូរទស្សន៍ភីស៊ីអិន ធីវីអនឡាញ

ទំព័រដើម ព័ត៌មានជាតិ ព័ត៏មានអន្តរជាតិ ព័ត៌មានសន្តិសុខសង្គម ព័ត៌មានស៊ើបអង្កេត

ព័ត៌មានថ្មីបំផុត

អគ្គព្រះរាជអាជ្ញាសាលាឧទ្ធរណ៍បាត់ដំបង ផ្តាំផ្ញើដល់មន្ត្រីសាខាពន្ធដារទាំង៦ខេត្ត និងមន្ត្រីមន្ទីរកសិកម្មខេត្តបាត់ដំបង ត្រូវបម្រើសេវាជូនពលរដ្ឋឱ្យល្អប្រសើតាមជំនាញ **|**

(បាត់ដំបង)៖ អគ្គព្រះរាជអាជ្ញា នៃមហាអយ្យការអមសាលាឧទ្ធរណ៍បាត់ដំបង លោក នួន សាន បានផ្ដាំផ្ញើដល់មន្ត្រីសាខាពន្ធដារទាំង៦ខេត្ត និងមន្ត្រីមន្ទីរកសិកម្មខេត្តបាត់ដំបង ដែលទទួលបានវិញ្ញាបនបត្របញ្ជាក់នីតិសម្បទាជាមន្ត្រីនគរបាលយុត្តិធម៌ ត្រូវយកវិជ្ជាជីវៈរបស់ខ្លួនទៅបម្រើសេវាជូនប្រជាពលរដ្ឋឱ្យបានល្អប្រសើទៅតាមជំនាញ និងការណែនាំរបស់ថ្នាក់លើប្រគល់ជូន។

គួរជម្រាបថា សាលាឧទ្ធរណ៍បាត់ដំបង និងមហាអយ្យការអមសាលាឧទ្ធរណ៍បាត់ដំបង នាព្រឹកថ្ងៃទី១៩ ខែមករា ឆ្នាំ២០២៣នេះ បានរៀបចំពិធីប្រគល់វិញ្ញាបនបត្របញ្ជាក់នីតិសម្បទាជាមន្ត្រីនគរបាលយុត្តិធម៌ជូនមន្ត្រីសាខាពន្ធដារទាំង៦ខេត្ត និងមន្ត្រីមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង ដែលស្ថិតក្រោមដែនសមត្ថកិច្ចសាលាឧទ្ធរណ៍បាត់ដំបង និងមហាអយ្យការអមសាលាឧទ្ធរណ៍បាត់ដំបង សរុបចំនួន៨១រូប ក្រោមអធិបតីភាពលោក សម ប៊ុនថុន ប្រធានសាលាឧទ្ធរណ៍បាត់ដំបង និងលោក នួន សាន អគ្គព្រះរាជអាជ្ញានៃមហាអយ្យការអមសាលាឧទ្ធរណ៍បាត់ដំបង។

លោក នួន សាន បានផ្តាំផ្ញើដល់លោកលោកស្រីដែលបានទទួលវិញ្ញាបនបត្របញ្ជាក់នីតិសម្បទាជាមន្ត្រីនគរបាលយុត្តិធម៌ពីសាលាឧទ្ធរណ៍បាត់ដំបង និងមហាអយ្យការអមសាលាឧទ្ធរណ៍បាត់ដំបងនាពេលនេះ យកទៅប្រើប្រាស់ទៅតាមវិជ្ជាជីវៈរបស់ខ្លួនឲ្យបានត្រឹមត្រូវ និងបម្រើសេវាជូនប្រជាពលរដ្ឋឱ្យបានល្អប្រសើទៅតាមជំនាញ និងការណែនាំរបស់ថ្នាក់លើប្រគល់ជូន៕