ថ្ងៃពុធ ទី០៥ ខែតុលា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
សម្ដេចក្រឡាហោម ស ខេង រំលឹកឲ្យកម្លាំងសមត្ថកិច្ចឈរជើងនៅតំបន់ព្រំដែន ពង្រឹងការយកចិត្តទុកដាក់ និងរួមគ្នាបង្ក្រាបបទល្មើស ពិសេសបទល្មើសគ្រឿងញៀន
Fri,05 August 2022 (Time 08:03 PM)
ដោយ ៖ (ចំនួនអ្នកអាន: 130នាក់)

(ព្រះវិហារ)៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានណែនាំ និងក្រើនរំលឹកដល់កងកម្លាំងកងយោធពលខេមរភូមិន្ទ កងកម្លាំងនគរបាលជាតិ ដែលឈរជើងតាមព្រំដែន និងអាជ្ញាធរសមត្ថកិច្ចទាំងអស់ដែលនៅតាមព្រំដែន ត្រូវសហការគ្នាបង្ក្រាបគ្រឿងញៀន ដោយមិនត្រូវគប់គិតគ្នាជាមួយក្រុមឧក្រិដ្ឋជនឲ្យសោះ។

ការក្រើនរំលឹករបស់សម្តេចក្រឡាហោម ស ខេង បែបនេះ ក្នុងឱកាសអញ្ជើញប្រកាសចូលកាន់តំណែងអភិបាល អភិបាលរង នៃគណៈអភិបាលខេត្តខេត្តព្រះវិហារ នៅព្រឹកថ្ងៃទី០៥ ខែសីហា ឆ្នាំ២០២២នេះ នៅសាលាខេត្តព្រះវិហារ។

សម្តេចក្រឡាហោម ស ខេង បានអះអាងថា ខេត្តព្រះវិហារ ជាខេត្តមួយដែលពួកឧក្រដ្ឋជនគ្រឿងញៀនបានប្រើប្រាស់ជាផ្លូវឆ្លងកាត់ បើខេត្តស្ទឹងត្រែង ឆ្លងកាត់តាមទន្លេមេគង្គ ព្រះវិហារឆ្លងកាត់តាមដីគោក ហើយគ្រឿងញៀន និងសារធាតុញៀនភាគច្រើនបំផុតសព្វថ្ងៃនេះចូលកម្ពុជា តាមប្រទេសឡាវ អាចចូលទៅវៀតណាមមួយផ្នែក ចូលកម្ពុជាបែងចែកទៅវៀតណាមនិងចូលកម្ពុជា បែងចែកទៅថៃ និងមានចូលពីថៃមកកម្ពុជាខ្លះដែរ។

សម្តេចក្រឡាហោម ស ខេង បានណែនាំយ៉ាងដូច្នេះថា «យើងបង្ក្រាបបានច្រើនណាស់ ក្នុងរយៈពេលប៉ុន្មានឆ្នាំចុងក្រោយនេះ គឺរាប់រយតោន សារធាតុគីមីផ្សំផង ហើយនឹងគ្រឿងញៀនសំយោគ ដែលជាផលិតផលសម្រេចផង សារធាតុគីមីផ្សំមិនទាន់សម្រេច ដោយគេយកសារធាតុមួយៗមកផ្សំ មួយផ្នែកចែកចាយ និងមួយផ្នែកទៀតយកទៅប្រទេសទី៣»។

ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានគូសបញ្ជាក់ថា ខេត្តព្រះវិហារ មានតួនាទី ត្រូវទប់ស្កាត់ច្រករបៀងទាំងឡាយកុំឲ្យមាន ហើយបញ្ហាគ្រឿងញៀននេះ ធ្វើឲ្យប៉ះពាលដល់សុខភាពយ៉ាងធ្ងន់ធ្ងរ មិនតែប៉ុណ្ណោះប៉ះពាល់ដល់យុវជន កូនចៅជំនាន់ក្រោយ ប៉ះពាល់ដល់ធនធានមនុស្ស ធ្វើឲ្យមហន្តរាយដល់សមត្ថភាពការការពារបូរណភាពទឹកដី ក៏ដូចជាការពារអធិបតេយ្យភាព៕

ព័ត៌មានគួរចាប់អារម្មណ៍

សម្តេចក្រឡាហោម ស ខេង អញ្ជើញជាអធិបតីភាពប្រកាសជ័យលាភីពានរង្វាន់សេវាសង្គមសម្រាប់រដ្ឋបាលថ្នាក់ក្រោមជាតិ សម្រាប់ឆ្នាំ២០២០-២១ ()

ព័ត៌មានគួរចាប់អារម្មណ៍

ប្រកាសចូលកាន់មុខតំណែង និងផ្ទេរភារកិច្ចមន្រ្តីរាជការតាមក្រុងស្រុកមួយចំនួនក្នុងខេត្តបាត់ដំបង ()

ព័ត៌មានគួរចាប់អារម្មណ៍

លោកបណ្ឌិត ហ៊ុន ម៉ាណែត ចាត់ទុកការសាបព្រោះរបស់ ខឹម វាសនា រហូតកាត់កាលបងប្អូន ម្តាយឪពុក ជារឿងហួសព្រំដែនហើយ ()

ព័ត៌មានគួរចាប់អារម្មណ៍

សម្ដេចក្រឡាហោម ស ខេង រំលឹកឲ្យកម្លាំងសមត្ថកិច្ចឈរជើងនៅតំបន់ព្រំដែន ពង្រឹងការយកចិត្តទុកដាក់ និងរួមគ្នាបង្ក្រាបបទល្មើស ពិសេសបទល្មើសគ្រឿងញៀន ()

ព័ត៌មានគួរចាប់អារម្មណ៍

សម្ដេចតេជោ ហ៊ុន សែន ទទួលជួបពិភាក្សាការងារជាមួយ រដ្ឋមន្ត្រីការបរទេសរុស្ស៊ី ()

វីដែអូ