ថ្ងៃពុធ ទី០៥ ខែតុលា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
ប្រកាសចូលកាន់តំណែងអភិបាលស្រុកព្រៃឈរ ខេត្តកំពង់ចាម, លោក ខេង ម៉េងឈុន ជំនួសលោក ឡោ ចាន់លី
Wed,24 August 2022 (Time 01:11 PM)
ដោយ ៖ (ចំនួនអ្នកអាន: 62នាក់)

(កំពង់ចាម)៖ លោក អ៊ុន ចាន់ដា អភិបាលខេត្តកំពង់ចាម បានណែនាំអភិបាលស្រុកព្រៃឈរ ដែលទើបប្រកាសចូលកាន់តំណែងថ្មី ត្រូវចេះរួមសាមគ្គីគ្នា ជាមួយមន្ត្រីពាក់ព័ន្ធ ដើម្បីអភិវឌ្ឍន៍មូលដ្ឋានបន្ថែម និងនាំមកនូវការរីកចម្រើនដល់ប្រជាពលរដ្ឋ។

លោកអភិបាលខេត្ត បានលើកឡើងដូច្នេះនៅព្រឹកថ្ងៃទី២៤ ខែសីហា ឆ្នាំ២០២២ ក្នុងឱកាសអញ្ជើញប្រកាសលោក ខេង ម៉េងឈុន មកពីអភិបាលរងស្រុកកងមាស ចូលកាន់តំណែងជាអភិបាលស្រុកព្រៃឈរ ជំនួសលោក ឡោ ចាន់លី ដែលត្រូវចូលកាន់តំណែងជាអភិបាលរងខេត្តកំពង់ចាម។

លោកអភិបាលខេត្ត បានបន្តថា អភិបាលស្រុកព្រៃឈរ ទើបចូលកាន់តំណែង ត្រូវខិតខំរួមសាមគ្គីគ្នា ធ្វើការដែលមានក្រុមប្រឹក្សា គណៈអភិបាលស្រុក ត្រូវធ្វើការដោយមានការឯកភាពគ្នា ហើយចេះសម្រេចចិត្តប្រកាន់លើគោលការណ៍សមូហភាព។ ប្រសិនបើមានបញ្ហាប្រឈមត្រូវដាក់ឆ្លងក្នុងកិច្ចប្រជុំ គណៈអភិបាល ឬសុំយោបល់ទៅក្រុមប្រឹក្សាស្រុក។

ទន្ទឹមនឹងនេះ ត្រូវគិតគូរអំពីបញ្ហាអភិវឌ្ឍន៍មូលដ្ឋានក្នុងអាណត្តិរបស់ខ្លួន ពោលគឺចាំបាច់ត្រូវធ្វើអ្វីមួយដែលជាស្នាដៃរបស់ខ្លួន។ ត្រូវខិតខំពង្រឹងការងារសន្តិសុខ សណ្ដាប់ធ្នាប់សាធារណៈ ឱ្យបានល្អជូនប្រជាពលរដ្ឋគ្រប់មូលដ្ឋាន ដោយអនុវត្តឱ្យបាននៃគោលនយោបាយភូមិ ឃុំ មានសុវត្ថិភាពទាំង ៧ចំណុច ដើម្បីឱ្យប្រជាពលរដ្ឋរស់នៅបានសុខសាន្ត៕

ព័ត៌មានគួរចាប់អារម្មណ៍

សម្តេចក្រឡាហោម ស ខេង អញ្ជើញជាអធិបតីភាពប្រកាសជ័យលាភីពានរង្វាន់សេវាសង្គមសម្រាប់រដ្ឋបាលថ្នាក់ក្រោមជាតិ សម្រាប់ឆ្នាំ២០២០-២១ ()

ព័ត៌មានគួរចាប់អារម្មណ៍

ប្រកាសចូលកាន់មុខតំណែង និងផ្ទេរភារកិច្ចមន្រ្តីរាជការតាមក្រុងស្រុកមួយចំនួនក្នុងខេត្តបាត់ដំបង ()

ព័ត៌មានគួរចាប់អារម្មណ៍

លោកបណ្ឌិត ហ៊ុន ម៉ាណែត ចាត់ទុកការសាបព្រោះរបស់ ខឹម វាសនា រហូតកាត់កាលបងប្អូន ម្តាយឪពុក ជារឿងហួសព្រំដែនហើយ ()

ព័ត៌មានគួរចាប់អារម្មណ៍

សម្ដេចក្រឡាហោម ស ខេង រំលឹកឲ្យកម្លាំងសមត្ថកិច្ចឈរជើងនៅតំបន់ព្រំដែន ពង្រឹងការយកចិត្តទុកដាក់ និងរួមគ្នាបង្ក្រាបបទល្មើស ពិសេសបទល្មើសគ្រឿងញៀន ()

ព័ត៌មានគួរចាប់អារម្មណ៍

សម្ដេចតេជោ ហ៊ុន សែន ទទួលជួបពិភាក្សាការងារជាមួយ រដ្ឋមន្ត្រីការបរទេសរុស្ស៊ី ()

វីដែអូ