ថ្ងៃព្រហស្បតិ៍ ទី១៩ ខែឧសភា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
លោក ភឺន ផល្លា និងលោកស្រី ឧបត្ថម្ភរថយន្តស្ទូច១គ្រឿង និងម៉ូតូ៥៥គ្រឿង ជូនស្នងការដ្ឋានខេត្តកណ្តាល ដើម្បីបំពេញតម្រូវការងារចាំបាច់ក្នុងមូលដ្ឋាន
Mon,25 April 2022 (Time 01:43 PM)
ដោយ ៖ (ចំនួនអ្នកអាន: 41នាក់)

(កណ្តាល)៖ លោក ភឺន ផល្លា និងលោកស្រី បានឧបត្ថម្ភរថយន្តស្ទូចចរាចរណ៍១គ្រឿង និងម៉ូតូ៥៥គ្រឿង ជូនដល់ស្នងការដ្ឋាននគរបាលខេត្តកណ្តាល ដើម្បីបម្រើការងារការពារសន្តិសុខ សណ្តាប់ធ្នាប់ជូនប្រជាពលរដ្ឋ ក្នុងមូលដ្ឋានខេត្តកណ្តាល តបតាមស្នើរសុំនាពេលកន្លងមក ក្នុងទិសដៅបម្រើប្រជាពលរដ្ឋឲ្យបានទាន់ពេលវេលា។

ស្ថិតក្នុងឱកាសប្រគល់-ទទួលនៅថ្ងៃទី២៥ ខែមេសា ឆ្នាំ២០២២ នៅឯស្នងការដ្ឋាននគរបាលខេត្ត, លោក ភឺន ផល្លា និងភរិយា បានថ្លែងថា ដោយបានយល់ឃើញថាការប្រគល់ម៉ូតូ និងឡាននេះគឺដើម្បីចូលរួមចំណែក ជួយដល់សង្គម និងសម្រួលដល់ការធ្វើដំណើររបស់កងកម្លាំង ដើម្បីការពារសុខសុវត្ថិភាពរបស់ពលរដ្ឋ និងណាមួយសក្ដិសមនឹងកិត្តិយសរបស់កងកម្លាំងផងដែរ ដែលមានម៉ូតូធំជិះយ៉ាងសង្ហា និងជាកម្លាំងចិត្តដល់មន្ត្រី នគរបាលក្នុងការចុះបំពេញការងាររបស់ខ្លួនយ៉ាងមានប្រសិទ្ធភាព។

លោកថ្លែងបន្តថា «ទាំងនេះជាទឹកចិត្តបន្តិចបន្តួចដើម្បីរួមចំណែកជាមួយរាជរដ្ឋាភិបាល ក្នុងការជួយជ្រោមជ្រែងជួយឧបត្ថម្ភទៅតាមសទ្ធា ហើយនឹងតែបន្តជួយជាបន្តបន្ទាប់ទៅតាមលទ្ធភាពរបស់ខ្លួន»។

ជាមួយគ្នានេះលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានថ្លែងអំណរគុណចំពោះលោក ភឺន ផល្លា និងលោកស្រី ជាអនេកដែលលោក និងលោកស្រី មានចិត្តទូលាយគិតគូរដល់ពលរដ្ឋក្នុងមូលដ្ឋាន ក៏ដូចជាកងកម្លាំងឲ្យមានមធ្យោបាយល្អជិះល្បាត និងការពារសុខសុវត្ថិភាពជូនពលរដ្ឋ។

លោកស្នងការថ្លែងបន្តថា ម៉ូតូទាំងអស់នេះត្រូវបែងចែកដល់គ្រប់ស្រុកក្រុងទាំងអស់ដោយមូលដ្ឋាននីមួយៗ ទទួលបានម៉ូតូចំនួន៥គ្រឿង រីឯរថយន្តស្ទូចគឺទុកសំរាប់ប្រើប្រាស់តាមតម្រូវការចាំបាច់ និងផ្ដាំផ្ញើដល់កងកម្លាំងទាំងអស់ ដែលបានម៉ូតូយកទៅប្រើហើយនោះ សូមថែរក្សាថែទាំឲ្យបានល្អ ចេះស្រលាញ់ម៉ូតូ ខូចកន្លែងណាជួសជុលភ្លាមៗ ហើយសូមបំពេញការងារឲ្យកាន់តែខ្លាំងឡើង ដើម្បីរក្សាសុខសុវត្ថិភាពជូនដល់បងប្អូន ប្រជាពលរដ្ឋនៅមូលដ្ឋានរៀងខ្លួន ការពារកុំឲ្យកើតបទល្មើសជាដើម៕

ព័ត៌មានគួរចាប់អារម្មណ៍

សម្តេចតេជោ ហ៊ុន សែន ទទួលជួបពិភាក្សាការងារជាមួយនាយករដ្ឋមន្ត្រីវៀតណាម ()

ព័ត៌មានគួរចាប់អារម្មណ៍

ថ្នាក់ដឹកនាំខេត្តកំពង់ធំ ចូលគោរពវិញ្ញាណក្ខន្ធសពរបស់លោកព្រឹទ្ធាចារ្យ ហ៊ុន ណេង ()

ព័ត៌មានគួរចាប់អារម្មណ៍

សម្តេចតេជោ ហ៊ុន សែន ទទួលជួបអគ្គសេនាធិការចម្រុះ កងទ័ពស្វ័យការពារជប៉ុន ()

ព័ត៌មានគួរចាប់អារម្មណ៍

សម្តេចតេជោ អនុញ្ញាតឱ្យអតីតមេបញ្ជាការ កងកម្លាំងអ៊ុនតាក់ ចូលជួបសម្តែងការគួរសម និងរំលឹកអនុស្សាវរីយ៍ជូរចត់របស់កម្ពុជា ()

ព័ត៌មានគួរចាប់អារម្មណ៍

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយនាយករដ្ឋមន្ត្រីជប៉ុន ()

វីដែអូ