ថ្ងៃអង្គារ៍ ទី២៥ ខែមករា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
គណបក្សប្រជាជនកម្ពុជាឃុំកន្ទឺ២ ស្រុកបាណន់ ខេត្តបាត់ដំបង បើកសន្និបាតបូកសរុបការងារអាណត្តិទី៤ ២០១៧-២០២២ និងដាក់ចេញកម្មវិធីអភិវឌ្ឍន៍អាណត្តិទី៥
Sun,09 January 2022 (Time 06:46 PM)
ដោយ ៖ (ចំនួនអ្នកអាន: 45នាក់)

(បាត់ដំបង)៖ ដោយអនុវត្តតាមសេចក្តីសម្រេចរបស់គណបក្សប្រជាជនកម្ពុជា នារសៀលថ្ងៃទី០៩ ខែមករា ឆ្នាំ២០២២នេះ ក្រុមការងារចុះជួយមូលដ្ឋានឃុំកន្ទឺ២ នៃស្រុកបាណន់ ខេត្តបាត់ដំបង បានរៀបចំសន្និបាតបូកសរុបវាយតម្លៃលទ្ធផលនៃការអនុវត្តកម្មវិធីនយោបាយអភិវឌ្ឍន៍ឃុំកន្ទឺ២ អាណត្តិទី៤ ឆ្នាំ២០១៧-២០២២ និងដាក់ចេញនូវគោលនយោបាយរបស់គណបក្សប្រជាជនកម្ពុជា សម្រាប់ការអភិវឌ្ឍឃុំកន្ទឺ២ អាណត្តិទី៥ ឆ្នាំ២០២២-២០២៧។

សន្និបាទខាងលើនេះប្រារព្ធឡើងក្រោមអធិបតីភាពលោក សុខ វាសនា សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារចុះជួយមូលដ្ឋានឃុំកន្ទឺ២ លោក ឈាន តឿន ប្រធានគណៈកម្មាធិការគណបក្សស្រុកបាណន់ លោក ឡុច រ៉េត អភិបាលរងស្រុកបាណន់ លោក សុវណ្ណ គឹមហាក់ អនុប្រធានទី១ក្រុមការងារគណបក្សចុះជួយមូលដ្ឋានឃុំកន្ទឺ២ លោក ជូ ស្រេង អនុប្រធានអចិន្ត្រៃយ៍ក្រុមការងារគណបក្សចុះជួយមូលដ្ឋានឃុំកន្ទឺ២ លោក លី សុខគួង អនុប្រធានអចិន្ត្រៃយ៍ក្រុមការងារគណបក្សចុះជួយមូលដ្ឋានឃុំកន្ទឺ២ ព្រមទាំងមានការចូលរួមពីសមាជិក-សមាជិកាសរុបចំនួន៣៥៧នាក់។

លោក សុខ វាសនា ប្រធានគណៈអធិបតី បានអានសុន្ទរកថា បើកអង្គសន្និបាត ដោយបានថ្លែងថាសន្និបាតថ្ងៃនេះគឺអនុវត្តតាមសេចក្តីសម្រេចរបស់គណបក្សប្រជាជនកម្ពុជា ស្តីពីផែនការរួមឆ្ពោះទៅកាន់ការបោះឆ្នោតក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ក្នុងនោះមានគោលបំណងធំៗ ៣គឺ៖

ទី១៖ បូកសរុបនូវលទ្ធផលការងារសម្រេចបានដឹកនាំដោយគណបក្សឃុំ-សង្កាត់លើសកម្មភាពការងារគ្រប់វិស័យនៅក្នុងមូលដ្ឋានឃុំ-សង្កាត់របស់ក្រុមប្រឹក្សាឃុំ-សង្កាត់ អាណត្តិទី៤ ឆ្នាំ២០១៧-២០២២ ឆ្លុះបញ្ចាំងឲ្យឃើញនូវចំណុចខ្លាំង ចំណុចប្រឈម និងស្រង់មេរៀនបទពិសោធន៍ ដើម្បីរៀបចំយុទ្ធសាស្ត្រដណ្តើមឲ្យបានជោគជ័យនៅក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នាថ្ងៃទី០៥ ខែមិថុនា ឆ្នាំ២០២២ និងការបោះឆ្នោតជ្រើសតាំងតំណាងរាស្ត្រ ឆ្នាំ២០២៣។

ទី២៖ ផ្សព្វផ្សាយឲ្យសមាជិកគណបក្ស និងប្រជាជនក្នុងឃុំកន្ទឺ២ទាំងអស់បានយល់ជ្រាបនូវគោលនយោបាយ និងកម្មវិធីអភិវឌ្ឍន៍សេដ្ឋកិច្ច-សង្គមដែលគណបក្សប្រជាជនកម្ពុជាបានដាក់ចេញ និងប្តេជ្ញាអនុវត្តឲ្យបានជោគជ័យ។

ទី៣៖ បង្ហាញមុខដំបូងនៃបេក្ខជនក្រុមប្រឹក្សាឃុំ-សង្កាត់របស់គណបក្ស ដើម្បីឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥។

លោក សុខ វាសនា ក៏បានដឹកនាំ និងសម្របសម្រួលកិច្ចដំណើរការនៃការពិភាក្សាផ្តល់យោបល់របស់សមាជិក-សមាជិកាអង្គសន្និបាតលើសេចក្តីព្រាងរបាយការណ៍បូកសរុបវាយតម្លៃការអនុវត្តគោលនយោបាយរបស់គណបក្សសម្រាប់ការអភិវឌ្ឍ ឆ្នាំ២០១៧-២០២២ និងទិសដៅភារកិច្ចអនុវត្តបន្ត ព្រមទាំងសេចក្តីព្រាងគោលនយោបាយរបស់គណៈកម្មាធិការគណបក្សឃុំកន្ទឺ២ ឆ្នាំ២០២២-២០២៧ ផងដែរ។

នាឱកាសនោះ លោក សឿន ម៉ត ប្រធានគណៈកម្មាធិការគណបក្សឃុំកន្ទឺ២ បានឡើងអានសេចក្តីព្រាងរបាយការណ៍បូកសរុប វាយតម្លៃការអនុវត្តគោលនយោបាយរបស់គណបក្សសម្រាប់ការអភិវឌ្ឍចាប់ពីឆ្នាំ២០១៧-២០២២ និងទិសដៅរបស់គណបក្សសម្រាប់អនុវត្តបន្ត។

បន្ទាប់ពីមកមលោកស្រី ឈីន គឹមឈីត សមាជិកាគណៈកម្មាធិការគណបក្សឃុំកន្ទឺ២ ក៏បានឡើងអានកម្មវិធីនយោបាយរបស់គណបក្សសម្រាប់ការអភិវឌ្ឍឃុំកន្ទឺ២ អណត្តិទី៥ ឆ្នាំ២០២២-២០២៧៕

ព័ត៌មានគួរចាប់អារម្មណ៍

អភិបាលរាជធានីភ្នំពេញ៖ ជប៉ុនប្រគល់រថយន្តពន្លត់អគ្គិភ័យ៤គ្រឿង ជូនរដ្ឋបាលរាជធានីភ្នំពេញ ដោយមានទាំងរថយន្តបំពាក់ជណ្តើរកម្ពស់៤០ម៉ែត្រផងដែរស្របពេលដែលរាជធានីភ្នំពេញកាន់តែមានភាពរីកចម្រើន ()

ព័ត៌មានគួរចាប់អារម្មណ៍

ក្រសួងសាធារណការប្តេជ្ញាជំរុញការប្រើប្រាស់រថយន្តដើរដោយថាមពលអគ្គិសនីឱ្យបានទូលំទូលាយ ដើម្បីចូលរួមចំណែកក្នុងការកាត់បន្ថយការបំភាយឧស្ម័នកាបូនទៅក្នុងបរិយាកាសផែនដី ()

ព័ត៌មានគួរចាប់អារម្មណ៍

ឯកឧត្តម ហ៊ុន ម៉ាណែត ផ្ញើសារជូនពរនាយទាហាន នាយទាហានរង និងពលទាហានកងទ័ពជើងគោកនៃកងយោធពលខេមរភូមិន្ទ ក្នុងឱកាសចូលឆ្នាំថ្មី ឆ្នាំសាកល ()

ព័ត៌មានគួរចាប់អារម្មណ៍

សាលាឧទ្ធរណ៍ និងមហាអយ្យការអមសាលាឧទ្ធរណ៍បាត់ដំបង ប្រកាសគាំទ្រចំពោះការសម្រេចជាឯកច្ឆន្ទរបស់ អង្គសន្និបាតគណៈកម្មាធិការកណ្តាល លើកទី៤៣ ដែលជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត ()

ព័ត៌មានគួរចាប់អារម្មណ៍

ប្រធានសាលាដំបូង និងព្រះរាជអាជ្ញាអមសាលាដំបូងខេត្តបាត់ដំបង ប្រកាសគាំទ្រចំពោះការសម្រេចជាឯកច្ឆន្ទរបស់ អង្គសន្និបាតគណៈកម្មាធិការកណ្តាល លើកទី៤៣ ដែលជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត ()

វីដែអូ