ថ្ងៃអង្គារ៍ ទី២៥ ខែមករា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
គណបក្សប្រជាជនកម្ពុជាឃុំធិតី ស្រុកគាស់ក្រឡ ខេត្តបាត់ដំបង បើកសន្និបាតបូកសរុបលទ្ធផលការងារ៥ឆ្នាំ លើកទិសដៅកម្មវិធីនយោបាយអភិវឌ្ឍន៍៥ឆ្នាំ និងប្រកាសសមាភាពក្រុមប្រឹក្សាឃុំអាណត្តិថ្មីជាផ្លូវការសរុប២២រូប
Sat,08 January 2022 (Time 11:01 PM)
ដោយ ៖ (ចំនួនអ្នកអាន: 62នាក់)

(បាត់ដំបង)៖ គណបក្សប្រជាជនកម្ពុជាឃុំធិតី ស្រុកគាស់ក្រឡ ខេត្តបាត់ដំបង បានបើកសន្និបាតបូកសរុបលទ្ធផលការងារ៥ឆ្នាំអាណត្តិទី៤ និងលើកទិសដៅកម្មវិធីនយោបាយអភិវឌ្ឍន៍៥ឆ្នាំ (២០២២-២០២៧) និងប្រកាសសមាភាពក្រុមប្រឹក្សាឃុំអាណត្តិថ្មីជាផ្លូវការសរុប២២រូប ក្នុងនោះមានបេក្ខភាពពេញសិទ្ធ៧រូប និងបម្រុង១៥រូប ដែលត្រូវឈរឈ្មោះឲ្យប្រជាពលរដ្ឋបោះឆ្នោតជ្រើសរើសក្រុមប្រឹក្សា ឃុំអាណត្តិថ្មី២០២២ខាងមុខនេះ។

ពិធីនេះបានធ្វើឡើងនាថ្ងៃទី៨ ខែមករា ឆ្នាំ២០២២ នៅទីស្នាក់ការបក្សឃុំធិបតី ភូមិបឹងស្នោរ ឃុំធិបតី ស្រុកគាស់ក្រឡ ខេត្តបាត់ដំបង ក្រោមវត្តមានលោក ហេង ជំនិត អនុប្រធានក្រុមការងារគណបក្សស្រុក ជាប្រធានក្រុមការងារគណបក្សប្រជាជនកម្ពុជា ចុះជួយមូលដ្ឋានឃុំធិបតី ស្រុកគាស់ក្រឡ អនុប្រធានសមាជិក សមាជិកា បក្សឃុំចំនួន២៥០នាក់។

នៅក្នុងឱកាសនោះ លោក ហេង ជំនិត បានថ្លែងថា រយ:ពេលកន្លងមក គណបក្សឃុំធិបតី ស្រុកគាស់ក្រឡដែលមានរូបលោកជាប្រធានក្រុមការងារចុះមូលដ្ឋាន បានកសាង និងអភិវឌ្ឍន៍មូលដ្ឋានលើគ្រប់វិស័យ ទាំងការងារបក្ស ការងារមនុស្សធម៌ សម្រាប់ចាស់ជរា ស្រ្តីមេម៉ាយ កុមារកំព្រា ជនទីទាល់ក្រឥតទីពឹងព្រមទាំងកសាងហេដ្ឋារចនាសម្ព័ន្ធ ដូចជា ការកសាងសាលារៀន វត្តអារាម មណ្ឌលសុខភាពផ្លូវថ្នល់ថ្មី និងជួសជុលផ្លូវនៅតាមភូមិនានាជីកប្រឡាយបង្ហូរទឹក
ស្ពានដែកតូចធំ និងកសាងសមិទ្ធិផលបានជាច្រើនទៀត ជូនប្រជាពលរដ្ឋទុកប្រើប្រាស់ជាប្រយោជន៍សាធារណ:ក្នុងឃុំទាំងមូល និងការងារសន្តិសុខភូមិឃុំមានសុវត្តិភាពផងដែរ។

លោកប្រធានក្រុមការងារ បានបញ្ជាក់ថា ក្នុងពេលជំងឺកូវីដ១៩កន្លងមក ដែលបានផ្ទុះនាចុងឆ្នាំ២០១៩មក ក្នុងនាមបក្សឃុំ តែងបានសហការជាមួយអាជ្ញាធរមូលដ្ឋាន មន្រ្តីជំនាញសុខាភិបាល និងបានចាក់វ៉ាក់សាំងការពារ
កូវីដតាំងពីដូសទី១ និងដល់ដូសទី៣ ជូនប្រជាពលរដ្ឋមូលដ្ឋានតាមការណែនាំរបស់រាជរដ្ឋាភិបាល។ រដ្ឋបាលខេត្តស្រុកឃុំ បានអនុវត្តប្រកបដោយជោគជ័យ និងផ្សព្វផ្សាយពីវិធីការពារកុំឲ្យឆ្លងកូវីដនៅតាមសហគមន៍ ដោយអនុវត្តតាមការណែនាំរបស់មន្រ្តីសុខាភិបាល ៣កុំ និង៣ការពារ ហើយបច្ចុប្បន្ននេះ បានធ្វើឲ្យការឆ្លងកូវីដ មានការថយចុះធ្វើឲ្យប្រជាពលរដ្ឋមានការរីករាយសប្បាយចិត្តក្នុងការបើកឡើងវិញនូវអាជីវកម្ម ដើរហើរជិតឆ្ងាយឡើងវិញ ក្នុងន័យថា យើងត្រូវប្រុងប្រយ័ត្នជានិច្ចនូវការ ការពាររោគឆ្លងរោគបានឡើយ។

លោក ហេង ជំនិត បានផ្តាំផ្ញើដល់សមាជិកសមាជិកាបក្សឃុំធិបតីទាំងអស់ថា យើងទាំងអស់គ្នា ត្រូវខិតខំធ្វើការងារបក្សឃុំឲ្យកាន់តែបានល្អបន្ថែមទៀត ដើម្បីបម្រើប្រជាពលរដ្ឋនៅក្នុងមូលដ្ឋានបានសប្បាយចិត្តដោយមាន
ភាពស្និទ្ធស្នាល ស្រលាញ់គាំទ្រគណបក្សកន្លងមកក៏ដូចជាទៅអនាគត គឺដោយពួកគាត់គាំទ្របក្ស តាមរយៈការបោះឆ្នោតស្របពេលឆ្នាំ២០២២នេះ ជាឆ្នាំបោះឆ្នោតជ្រើសរើសក្រុមប្រឹក្សាឃុំ សង្កាត់ និងឆ្នាំ២០២៣ បោះឆ្នោតជ្រើសរើសតំណាងរាស្រ្តអាណត្តិទី៧ ខាងមុខ ឲ្យពួកគាត់បោះឆ្នោតគាំទ្រទទួលបានជ័យជម្នះជូនបក្សក៏ដូចជាគាំទ្រជូនសម្តេចជោ ហ៊ុន សែន ជានាយករដ្ឋមន្រ្តី បន្តដឹកនាំ កសាងនិងអភិវឌ្ឍន៍ប្រទេសជាតិកាន់
តែមានការរីកចម្រើនបន្ថែមទៀត៕

ព័ត៌មានគួរចាប់អារម្មណ៍

អភិបាលរាជធានីភ្នំពេញ៖ ជប៉ុនប្រគល់រថយន្តពន្លត់អគ្គិភ័យ៤គ្រឿង ជូនរដ្ឋបាលរាជធានីភ្នំពេញ ដោយមានទាំងរថយន្តបំពាក់ជណ្តើរកម្ពស់៤០ម៉ែត្រផងដែរស្របពេលដែលរាជធានីភ្នំពេញកាន់តែមានភាពរីកចម្រើន ()

ព័ត៌មានគួរចាប់អារម្មណ៍

ក្រសួងសាធារណការប្តេជ្ញាជំរុញការប្រើប្រាស់រថយន្តដើរដោយថាមពលអគ្គិសនីឱ្យបានទូលំទូលាយ ដើម្បីចូលរួមចំណែកក្នុងការកាត់បន្ថយការបំភាយឧស្ម័នកាបូនទៅក្នុងបរិយាកាសផែនដី ()

ព័ត៌មានគួរចាប់អារម្មណ៍

ឯកឧត្តម ហ៊ុន ម៉ាណែត ផ្ញើសារជូនពរនាយទាហាន នាយទាហានរង និងពលទាហានកងទ័ពជើងគោកនៃកងយោធពលខេមរភូមិន្ទ ក្នុងឱកាសចូលឆ្នាំថ្មី ឆ្នាំសាកល ()

ព័ត៌មានគួរចាប់អារម្មណ៍

សាលាឧទ្ធរណ៍ និងមហាអយ្យការអមសាលាឧទ្ធរណ៍បាត់ដំបង ប្រកាសគាំទ្រចំពោះការសម្រេចជាឯកច្ឆន្ទរបស់ អង្គសន្និបាតគណៈកម្មាធិការកណ្តាល លើកទី៤៣ ដែលជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត ()

ព័ត៌មានគួរចាប់អារម្មណ៍

ប្រធានសាលាដំបូង និងព្រះរាជអាជ្ញាអមសាលាដំបូងខេត្តបាត់ដំបង ប្រកាសគាំទ្រចំពោះការសម្រេចជាឯកច្ឆន្ទរបស់ អង្គសន្និបាតគណៈកម្មាធិការកណ្តាល លើកទី៤៣ ដែលជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត ()

វីដែអូ