ថ្ងៃអង្គារ៍ ទី២៥ ខែមករា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
ទេសរដ្ឋមន្ត្រី ស៊ុន ចាន់ថុល ដឹកនាំកិច្ចប្រជុំពិភាក្សាបញ្ចប់ការកែសម្រួល និងបំពេញបន្ថែមខ្លឹមសារនៃសេចក្តីព្រាងអនុក្រឹត្យ ស្តីពីការគ្រប់គ្រងការប្រើប្រាស់ដីចំណីផ្លូវ
Thu,06 January 2022 (Time 05:48 PM)
ដោយ ៖ (ចំនួនអ្នកអាន: 39នាក់)

(ភ្នំពេញ)៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នាថ្ងៃទី០៦ ខែមករា ឆ្នាំ២០២២នេះ បានដឹកនាំកិច្ចប្រជុំពិភាក្សាក្រុមការងារ ជំនាញក្រសួង បញ្ចប់ការកែសម្រួល និងបំពេញបន្ថែមខ្លឹមសារនៃសេចក្តីព្រាងអនុក្រឹត្យ ស្តីពីការគ្រប់គ្រងលើការប្រើប្រាស់ដីចំណីផ្លូវ នៅតាមបណ្ដោយផ្លូវថ្នល់ មុននឹងដាក់ឆ្លងកិច្ចប្រជុំអន្តរក្រសួងពិនិត្យពិភាក្សាបន្ត។

ថ្លែងទៅកាន់អង្គប្រជុំនាឱកាសនោះ លោកទេសរដ្ឋមន្ត្រី ស៊ុន ចាន់ថុល ក៏បានថ្លែងអំណរគុណដល់ក្រុមការងារជំនាញទាំងអស់ ដែលបានខិតខំប្រឹងប្រែងប្រកបដោយការយកចិត្តទុកដាក់ និងការទទួលខុសត្រូវខ្ពស់ក្នុងការកែសម្រួល និងបំពេញបន្ថែមសេចក្តីព្រាងអនុក្រឹត្យនេះឱ្យមានខ្លឹមសារគ្រប់ជ្រុងជ្រោយ រហូតសម្រេចបានលទ្ធផល ផ្លែផ្កាតាមការគ្រោងទុក និងបានណែនាំឱ្យក្រុមការងាររៀបចំ និងពិនិត្យឱ្យបានសព្វគ្រប់ មុននឹងដាក់ឆ្លងយោបល់កិច្ចប្រជុំអន្តរក្រសួង។

ជាមួយគ្នានោះអង្គប្រជុំបានលើកយកមាត្រាដែលនៅសល់ពីកិច្ចប្រជុំលើកមុន មកបន្តពិភាក្សាលម្អិត ជាពិសេសមាត្រា ដែលពាក់ព័ន្ធនឹងគោលការណ៍នៃការកំណត់ដីចំណីផ្លូវថ្នល់ ការកំណត់ដីចំណីផ្លូវថ្នល់ទៅតាមប្រភេទមុខងារ និងចំណាត់ថ្នាក់នៃផ្លូវថ្នល់ដូចជា៖ ផ្លូវជាតិ ផ្លូវខេត្ត និងផ្លូវជនបទ វិធានការគ្រប់គ្រង និងនីតិវិធីលើការ ប្រើប្រាស់ដីចំណីផ្លូវថ្នល់ រួមទាំងបទប្បញ្ញត្តិដោយឡែកទោសប្បញ្ញត្តិ និងអវសានប្បញ្ញតិ្តផងដែរ។

សូមជម្រាបជូនថា សេចក្តីព្រាងអនុក្រឹត្យស្ដីពីការគ្រប់គ្រងលើការប្រើប្រាស់ដីចំណីផ្លូវនៅតាមបណ្ដាញ ផ្លូវថ្នល់ ដែលទើបបានបញ្ចប់ការពិភាក្សានាពេលនេះ មានចំនួន ៤៦ មាត្រា និង៨ជំពូក ត្រូវបានឆ្លងកាត់ ពិភាក្សាដេញដោលយ៉ាងផុលផុសពីក្រុមការងារជំនាញពាក់ព័ន្ធរបស់ក្រសួង សំដៅធ្វើយ៉ាងណាធានានូវសុក្រឹត្យភាពខ្ពស់ ចៀសវាងការបកស្រាយខុស និងភាពស្រពេចស្រពិលនៅពេលដាក់ឱ្យអនុវត្ត៕

ព័ត៌មានគួរចាប់អារម្មណ៍

អភិបាលរាជធានីភ្នំពេញ៖ ជប៉ុនប្រគល់រថយន្តពន្លត់អគ្គិភ័យ៤គ្រឿង ជូនរដ្ឋបាលរាជធានីភ្នំពេញ ដោយមានទាំងរថយន្តបំពាក់ជណ្តើរកម្ពស់៤០ម៉ែត្រផងដែរស្របពេលដែលរាជធានីភ្នំពេញកាន់តែមានភាពរីកចម្រើន ()

ព័ត៌មានគួរចាប់អារម្មណ៍

ក្រសួងសាធារណការប្តេជ្ញាជំរុញការប្រើប្រាស់រថយន្តដើរដោយថាមពលអគ្គិសនីឱ្យបានទូលំទូលាយ ដើម្បីចូលរួមចំណែកក្នុងការកាត់បន្ថយការបំភាយឧស្ម័នកាបូនទៅក្នុងបរិយាកាសផែនដី ()

ព័ត៌មានគួរចាប់អារម្មណ៍

ឯកឧត្តម ហ៊ុន ម៉ាណែត ផ្ញើសារជូនពរនាយទាហាន នាយទាហានរង និងពលទាហានកងទ័ពជើងគោកនៃកងយោធពលខេមរភូមិន្ទ ក្នុងឱកាសចូលឆ្នាំថ្មី ឆ្នាំសាកល ()

ព័ត៌មានគួរចាប់អារម្មណ៍

សាលាឧទ្ធរណ៍ និងមហាអយ្យការអមសាលាឧទ្ធរណ៍បាត់ដំបង ប្រកាសគាំទ្រចំពោះការសម្រេចជាឯកច្ឆន្ទរបស់ អង្គសន្និបាតគណៈកម្មាធិការកណ្តាល លើកទី៤៣ ដែលជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត ()

ព័ត៌មានគួរចាប់អារម្មណ៍

ប្រធានសាលាដំបូង និងព្រះរាជអាជ្ញាអមសាលាដំបូងខេត្តបាត់ដំបង ប្រកាសគាំទ្រចំពោះការសម្រេចជាឯកច្ឆន្ទរបស់ អង្គសន្និបាតគណៈកម្មាធិការកណ្តាល លើកទី៤៣ ដែលជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត ()

វីដែអូ