ថ្ងៃអង្គារ៍ ទី២៥ ខែមករា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
ឧត្តមសេនីយ៍ទោ សេង ធារិន អំពាវនាវពលរដ្ឋខេត្តបន្ទាយមានជ័យ អញ្ជើញចាក់វ៉ាក់សាំងដូសជំរុញ
Wed,12 January 2022 (Time 01:17 PM)
ដោយ ៖ (ចំនួនអ្នកអាន: 34នាក់)

(បន្ទាយមានជ័យ)៖ កងទ័ពចំណុះឱ្យយោធភូមិភាគទី៥ ដែលកំពុងឈរជើងនៅក្នុងខេត្តបន្ទាយមានជ័យ កំពុងធ្វើសកម្មភាពចាក់វ៉ាក់សាំងបង្ការជំងឺកូវីដ១៩ ដូសជំរុញ ដូសទី៣ ជូនប្រជាពលរដ្ឋនៅទូទាំងខេត្តបន្ទាយមានជ័យ តាមការណែនាំរបស់រាជរដ្ឋាភិបាល និងក្រោមការបញ្ជាផ្ទាល់របស់ក្រសួងការពារជាតិ។

ការចាក់វ៉ាក់សាំងដូសជំរុញជូនប្រជាពលរដ្ឋក្នុងខេត្តបន្ទាយមានជ័យនេះ បានធ្វើឡើងដូចនឹងការចាក់ដូសទី១ និងទី២ ផងដែរ ក្រុមការងារចាក់វ៉ាក់សាំង បានរៀបចំការចាក់នៅតាមគោលដៅនានាតាមផែនការដែលបានរៀបចំ ហើយក៏មានរៀបចំរថយន្តចល័តទៅចាក់ជូនប្រជាពលរដ្ឋនៅឆ្ងាយៗផងដែរ។

ក្នុងដំណើរអញ្ជើញចុះពិនិត្យដំណើរការចាក់វ៉ាក់សាំងដែលអនុវត្តន៍ដោយកងទ័ពនៃយោធភូមិភាគទី៥ នៅថ្ងៃទី១១ ខែមករា ឆ្នាំ២០២២ ឧត្តមសេនីយ៍ទោ សេង ធារិន មេបញ្ជាការរងនាយសេនាធិការ និងជាប្រធានក្រុមការងារចាក់វ៉ាក់សាំងការពារជំងឺកូវីដ-១៩ យោធភូមិភាគទី៥ បានគូសបញ្ជាក់ថា ដំណើរការចាក់វ៉ាក់សាំងបានប្រព្រឹត្តដោយល្អប្រសើរ ហើយក្រុមការងារចាក់វ៉ាក់សាំងក៏បានយកចិត្តទុកដាក់ខ្ពស់លើការងារ ដើម្បីសម្រេចឱ្យបានទៅតាមគោលដៅរបស់រាជរដ្ឋាភិបាល។

ឧត្តមសេនីយ៍ទោ សេង ធារិន បានវាយតម្លៃខ្ពស់ចំពោះក្រុមការងារចាក់វ៉ាក់សាំង ដែលបានលះបង់កម្លាំងកាយចិត្តខ្ពស់ មិនគិតពីការនឿយហត់ បំពេញប្រតិបត្តិការដោយការយកចិត្តទុកដាក់ខ្ពស់ ដើម្បីរួមចំណែជាមួយរាជរដ្ឋាភិបាលក្នុងការប្រយុទ្ធប្រឆាំងជំងឺកូវីដ-១៩។

លោកឧត្តមសេនីយ៍ទោ សេង ធារិន ក៏បានអំពាវនាវដល់ប្រជាពលរដ្ឋក្នុងខេត្តបន្ទាយមានជ័យ ឱ្យអញ្ជើញទៅទទួលយកការចាក់វ៉ាក់សាំងដូសទី៣ ដើម្បីធ្វើឱ្យប្រព័ន្ធការពាររបស់ខ្លួនកាន់តែខ្លាំងក្នុងការប្រយុទ្ធប្រឆាំងនឹងជំងឺកូវីដ១៩។

នៅចំពោះមុខនៃការឆ្លងមេរោគអូមីក្រុងក្នុងសហគមន៍ លោក សេង ធារិន បានណែនាំ និងអំពាវនាវដល់ប្រជាពលរដ្ឋទៅចាក់វ៉ាក់សាំងដូសជំរុញនោះ ឱ្យបន្តយកចិត្តទុកដាក់ខ្ពស់ក្នុងការប្រយុទ្ធប្រឆាំងការរាតត្បាតនេះ។ ជាពិសេសប្រកាន់ឱ្យបានខ្ជាប់ខ្ជួននូវស្មារតី «៣ការពារ និង៣កុំ» ដើម្បីបញ្ចៀសការរាតត្បាតខ្លាំងនៃជំងឺកូវីដ១៩៕

ព័ត៌មានគួរចាប់អារម្មណ៍

អភិបាលរាជធានីភ្នំពេញ៖ ជប៉ុនប្រគល់រថយន្តពន្លត់អគ្គិភ័យ៤គ្រឿង ជូនរដ្ឋបាលរាជធានីភ្នំពេញ ដោយមានទាំងរថយន្តបំពាក់ជណ្តើរកម្ពស់៤០ម៉ែត្រផងដែរស្របពេលដែលរាជធានីភ្នំពេញកាន់តែមានភាពរីកចម្រើន ()

ព័ត៌មានគួរចាប់អារម្មណ៍

ក្រសួងសាធារណការប្តេជ្ញាជំរុញការប្រើប្រាស់រថយន្តដើរដោយថាមពលអគ្គិសនីឱ្យបានទូលំទូលាយ ដើម្បីចូលរួមចំណែកក្នុងការកាត់បន្ថយការបំភាយឧស្ម័នកាបូនទៅក្នុងបរិយាកាសផែនដី ()

ព័ត៌មានគួរចាប់អារម្មណ៍

ឯកឧត្តម ហ៊ុន ម៉ាណែត ផ្ញើសារជូនពរនាយទាហាន នាយទាហានរង និងពលទាហានកងទ័ពជើងគោកនៃកងយោធពលខេមរភូមិន្ទ ក្នុងឱកាសចូលឆ្នាំថ្មី ឆ្នាំសាកល ()

ព័ត៌មានគួរចាប់អារម្មណ៍

សាលាឧទ្ធរណ៍ និងមហាអយ្យការអមសាលាឧទ្ធរណ៍បាត់ដំបង ប្រកាសគាំទ្រចំពោះការសម្រេចជាឯកច្ឆន្ទរបស់ អង្គសន្និបាតគណៈកម្មាធិការកណ្តាល លើកទី៤៣ ដែលជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត ()

ព័ត៌មានគួរចាប់អារម្មណ៍

ប្រធានសាលាដំបូង និងព្រះរាជអាជ្ញាអមសាលាដំបូងខេត្តបាត់ដំបង ប្រកាសគាំទ្រចំពោះការសម្រេចជាឯកច្ឆន្ទរបស់ អង្គសន្និបាតគណៈកម្មាធិការកណ្តាល លើកទី៤៣ ដែលជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត ()

វីដែអូ