ថ្ងៃអង្គារ៍ ទី២៥ ខែមករា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
អង្គការសហព័ន្ធសន្តិភាពសកល អញ្ជើញសម្តេចតេជោ ហ៊ុន សែន ចូលរួមដោយផ្ទាល់ក្នុងកិច្ចប្រជុំកំពូលពិភពលោកឆ្នាំ២០២២ ស្តីពីសន្តិភាពនៅឧបទ្វីបកូរ៉េ
Tue,11 January 2022 (Time 12:26 PM)
ដោយ ៖ (ចំនួនអ្នកអាន: 47នាក់)

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ត្រូវបានអង្គការសហព័ន្ធសន្តិភាពសកល អញ្ជើញឲ្យចូលរួមដោយផ្ទាល់ ក្នុងកិច្ចប្រជុំកំពូលពិភពលោក ឆ្នាំ២០២២ ស្តីពីសន្តិភាពឧបទ្វីបកូរ៉េ ដែលគ្រោងនឹងរៀបចំនៅថ្ងៃទី១២-១៣ ខែកុម្ភៈ ខាងមុខនេះ ក្នុងប្រទេសកូរ៉េខាងត្បូង។ ជាការឆ្លើយតបនឹងការអញ្ជើញនេះ សម្តេចតេជោ ហ៊ុន សែន បានឯកភាពក្នុងការចូលរួមផ្ទាល់ផងដែរ។ នេះបើតាម លោក កៅ គឹមហួន រដ្ឋមន្រ្តីប្រតិភូអមនាយករដ្ឋមន្រ្តី បញ្ជាក់ប្រាប់ក្រុមអ្នកសារព័ត៌មាន។

ការអញ្ជើញសម្តេចតេជោ ចូលរួមកិច្ចប្រជុំដ៏មានសារសំខាន់នេះ បានធ្វើឡើងនៅក្នុងឱកាសដែលសម្តេចបានទទួលជួបពិភាក្សាការងារជាមួយ លោកបណ្ឌិត យុន យុងហូ អគ្គនាយកនៃអង្គការសហព័ន្ធសន្តិភាពសកល តាមប្រព័ន្ធវីដេអូ នាព្រឹកថ្ងៃទី១១ ខែមករា ឆ្នាំ២០២២នេះ។

លោក កៅ គឹមហួន បានអះអាងថា សម្តេចតេជោ ហ៊ុន សែន គឺជាសហប្រធាននៃគណៈកម្មការរៀប ចំនៃកិច្ចប្រជុំនេះ ជាមួយលោក បាន គីមូន អតីតអគ្គលេខាធិការអង្គការសហប្រជាជាតិ។ ដោយក្នុងជំនួបនេះ លោកបណ្ឌិត យុន យុងហូ បានរាយការណ៍ជូនសម្តេចអំពីវឌ្ឍនភាពនៃការរៀបចំកិច្ចប្រជុំនេះ ដោយលោកលើកឡើងថា នៅពេលនេះគឺអ្វីៗត្រូវបានត្រៀមគ្រប់លក្ខណៈអស់ហើយ ជាពិសេសកិច្ចប្រជុំនេះ នឹងមានការចូលរួមពីភាគីជាច្រើនទាំងនៅក្នុងប្រទេសកូរ៉េ និងជុំវិញពិភពលោក។ ក្រៅពីនោះទៀត ក៏មានការចូលរួមពីបណ្តាញផ្សព្វផ្សាយប្រមាណ៣៥០០ស្ថាប័នផងដែរ។

លោកបណ្ឌិតអគ្គនាយក បានរាយការណ៍ថា កិច្ចប្រជុំនេះនឹងមានការចូលរួមពីតំណាង១៥៧ប្រទេស ដែលមានស្ថានទូតប្រចាំនៅកូរ៉េជើង និងកូរ៉េខាងត្បូង ហើយប្រជាជនជាច្រើននៅជុំវិញពិភពលោក នឹងចូលរួមតាមប្រព័ន្ធអនឡាញ។ លោកបានស្នើសុំ លោកស្រី ឃួន សុដារី ចូលរួមជាសហប្រធានក្នុងគណៈកម្មការប្រតិបត្តិការ ហើយសម្តេចបានឯកភាពតាមការស្នើសុំនេះ។

លោកបានរាយការណ៍ជូនសម្តេចអំពីការត្រៀមមេដាយសន្តិភាពសហប្រធានផងដែរ។ លោកបានលើកឡើងថា មានឥស្សរជនជុំវិញពិភពលោកជាង២០ម៉ឺននាក់ នឹងចូលរួមផ្ទាល់ និងតាមអនឡាញ។

សម្តេចតេជោ ហ៊ុន សែន បានផ្តល់យោបល់មួយចំនួនពាក់ព័ន្ធនឹងការរៀបចំកិច្ចប្រជុំកំពូលសន្តិភាពពិភពលោក ស្តីពីឧបទ្វីបកូរ៉េ។ ក្នុងន័យនេះ សម្តេចបានគូសបញ្ជាក់អំពីទស្សនទានរបស់អាស៊ាន ស្តីពីតំបន់អាស៊ីប៉ាស៊ីហ្វិក ដែលសម្តេចលើកឡើងថា គោលការណ៍៣ចំណុច គួរតែត្រូវមាន គឺទី១៖ ត្រូវតែមានគោលដៅគាំទ្រដល់សន្តិភាព និងការអភិវឌ្ឍ ទី២៖ មិនត្រូវប្រឆាំងនឹងប្រទេសណាមួយ និងទី៣ គឺគាំទ្រដល់មជ្ឈភាពរបស់អាស៊ាន៕

ព័ត៌មានគួរចាប់អារម្មណ៍

អភិបាលរាជធានីភ្នំពេញ៖ ជប៉ុនប្រគល់រថយន្តពន្លត់អគ្គិភ័យ៤គ្រឿង ជូនរដ្ឋបាលរាជធានីភ្នំពេញ ដោយមានទាំងរថយន្តបំពាក់ជណ្តើរកម្ពស់៤០ម៉ែត្រផងដែរស្របពេលដែលរាជធានីភ្នំពេញកាន់តែមានភាពរីកចម្រើន ()

ព័ត៌មានគួរចាប់អារម្មណ៍

ក្រសួងសាធារណការប្តេជ្ញាជំរុញការប្រើប្រាស់រថយន្តដើរដោយថាមពលអគ្គិសនីឱ្យបានទូលំទូលាយ ដើម្បីចូលរួមចំណែកក្នុងការកាត់បន្ថយការបំភាយឧស្ម័នកាបូនទៅក្នុងបរិយាកាសផែនដី ()

ព័ត៌មានគួរចាប់អារម្មណ៍

ឯកឧត្តម ហ៊ុន ម៉ាណែត ផ្ញើសារជូនពរនាយទាហាន នាយទាហានរង និងពលទាហានកងទ័ពជើងគោកនៃកងយោធពលខេមរភូមិន្ទ ក្នុងឱកាសចូលឆ្នាំថ្មី ឆ្នាំសាកល ()

ព័ត៌មានគួរចាប់អារម្មណ៍

សាលាឧទ្ធរណ៍ និងមហាអយ្យការអមសាលាឧទ្ធរណ៍បាត់ដំបង ប្រកាសគាំទ្រចំពោះការសម្រេចជាឯកច្ឆន្ទរបស់ អង្គសន្និបាតគណៈកម្មាធិការកណ្តាល លើកទី៤៣ ដែលជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត ()

ព័ត៌មានគួរចាប់អារម្មណ៍

ប្រធានសាលាដំបូង និងព្រះរាជអាជ្ញាអមសាលាដំបូងខេត្តបាត់ដំបង ប្រកាសគាំទ្រចំពោះការសម្រេចជាឯកច្ឆន្ទរបស់ អង្គសន្និបាតគណៈកម្មាធិការកណ្តាល លើកទី៤៣ ដែលជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគត ()

វីដែអូ