ថ្ងៃពុធ ទី៣០ ខែវិច្ឆិការ ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
សម្ដេចក្រឡាហោម ស ខេង ណែនាំដល់អាជ្ញាធរត្រូវមានឆន្ទៈខ្ពស់ ក្នុងការទប់ស្កាត់ បង្រ្កាបគ្រឿងញៀន ឱ្យបានទាន់ពេលវេលា
Thu,20 October 2022 (Time 07:31 AM)
ដោយ ៖ (ចំនួនអ្នកអាន: 72នាក់)

ខេត្តកណ្តាល ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានណែនាំដល់អាជ្ញាធរគ្រប់លំដាប់ថ្នាក់ ត្រូវមានឆន្ទៈខ្ពស់ក្នុងការទប់ស្កាត់ និងបង្ក្រាបឱ្យបានទាន់ពេលវេលា នូវបទល្មើសគ្រឿងញៀន ព្រោះផលវិបាក នៃបញ្ហាសង្គមជាតិ វានឹងកើតមានឡើងនាពេលខាងមុខ។

នាឱកាសអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារទំនើបហ្វឹកហាត់បាញ់គ្រាប់ពិតអាវុធខ្លី និងជួបសំណេះសំណាលជាមួយថ្នាក់ដឹកនាំ គ្រូនគរបាលជាតិ និងមន្ដ្រី នៃបណ្ឌិត្យសភានគរបាលកម្ពុជា ពិធីនេះប្រារព្ធធ្វើឡើងនៅបណ្ឌិត្យសភានគរបាលកម្ពុជា នាថ្ងៃទី១៩ ខែតុលា ឆ្នាំ២០២២ សម្ដេចក្រឡាហោម ស ខេង បានឱ្យដឹងថា នាពេលបច្ចុប្បន្ននេះ កម្ពុជា គឺជាប្រទេសរងគ្រោះ ដោយពួកឧក្រិដ្ឋជនយកធ្វើជាទីកន្លែងប្រព្រឹត្តបទល្មើស នូវឧក្រិដ្ឋកម្មឆ្លងដែនមួយចំនួន ព្រមទាំងបទល្មើសគ្រឿងញៀនជាដើម។

សម្ដេចក្រឡាហោម បានពន្យល់ថា កម្ពុជា បានក្លាយទៅជាទីកន្លែងផលិតនូវសារធាតុញៀន ដែលផ្សំឡើងតាមរយៈសារធាតុគីមីផ្សំ ពាក់កណ្ដាលសម្រេច ដែលត្រូវបាននាំចូលមកកម្ពុជា។ ហើយផលិតផលពាក់កណ្ដាលសម្រេចទាំងនោះ ក្រោយផ្សំតាមរូបមន្ដរបស់ពួកគេ ដើម្បីក្លាយជាគ្រឿងញៀនពេញលេញនោះ ពួកគេទាំងនោះនឹងនាំចេញទៅប្រទេសទី៣ ហើយក្នុងនោះមួយផ្នែកក៏ចែកចាយនៅកម្ពុជាផងដែរ។

សម្ដេចក្រឡាហោម ស ខេង មានប្រសាសន៍បញ្ជាក់ថា «បញ្ហានេះ យើងចាំបាច់ត្រូវមានការប្ដេជ្ញាចិត្តប្រកបដោយឆន្ទៈខ្ពស់ ក្នុងការទប់ស្កាត់ បង្ក្រាបនូវបទល្មើសគ្រឿងញៀននេះ ឱ្យខានតែបាន ពីព្រោះផលលំបាក នៃសង្គមរបស់យើងវានឹងកើតមាននៅពេលខាងមុខ ប្រសិនបើយើងមិនបានយកចិត្តទុកដាក់បង្ក្រាប និងដោះស្រាយបញ្ហាទាំងនេះពីឥឡូវទៅ»។

សម្ដេចក្រឡាហោម បន្ថែមថា តើអ្វីទៅហៅថា ផលវិបាក? គឺវាប៉ះពាល់ដំបូងបំផុត ធនធានមនុស្ស មនុស្សពេញវ័យ ជាដើម គឺនឹងក្លាយទៅជាអ្នកជក់គ្រឿងញៀន។ ទន្ទឹមនឹងនេះ បញ្ហាសន្ដិសុខ សណ្ដាប់ធ្នាប់ ចោរលួច ចោរប្លន់ ជាដើម វានឹងកើតមានឡើងផងដែរ។ សម្ដេច បានឱ្យដឹងទៀតថា ជាក់ស្ដែង បញ្ហាទាំងនេះ បានកើតមានឡើងរួចទៅហើយ នៅតាមបណ្ដាប្រទេសមួយចំនួនក្នុងតំបន់។

លើសពីនេះ សម្ដេចក្រឡាហោម បានណែនាំបន្ថែមដល់​អាជ្ញាធរត្រូវបង្ក្រាបឱ្យទាន់ពេលវេលា នូវល្បែងអនឡាញ និងល្បែងគ្រប់ប្រភេទ នៅតាមមូលដ្ឋានរបស់ខ្លួន។ ជាងនេះទៅទៀត សម្ដេច ក៏បានណែនាំដល់អាជ្ញាធរ ត្រូវបង្ក្រាបបទល្មើស ការជួញដូរមនុស្ស ព្រោះថា កម្ពុជា គឺជាប្រទេសរងគ្រោះ ដើម្បីលុបបំបាច់បទល្មើសទាំងនេះ រាជរដ្ឋាភិបាលកម្ពុជា និងក្រសួមហាផ្ទៃ បានដាក់ចេញនូគោលនយោបាយ ភូម-ឃុំមានសុវត្ថិភាព ផងដែរ៕

ព័ត៌មានគួរចាប់អារម្មណ៍

សម្តេចតេជោ ហ៊ុន សែន ជួបពិភាក្សាជាមួយរដ្ឋមន្រ្តីកសិកម្ម, លោកបណ្ឌិត យ៉ង សាំងកុមារ និងលោក ឡឹក សុធារ លើការងារកសិកម្ម ()

ព័ត៌មានគួរចាប់អារម្មណ៍

ព្រះមហាក្សត្រ ចេញព្រះរាជក្រឹត្យ តែងតាំង និងផ្ទេរមុខតំណែង ប្រធាន-អនុប្រធានតុលាការ និងចៅក្រមសរុប៤៨រូប ()

ព័ត៌មានគួរចាប់អារម្មណ៍

ព្រះមហាក្សត្រ ចេញព្រះរាជក្រឹត្យតែងតាំង និងផ្ទេរមុខតំណែង អគ្គព្រះរាជអាជ្ញារង ព្រះរាជអាជ្ញា និងព្រះរាជអាជ្ញារង ២៧រូប ()

ព័ត៌មានគួរចាប់អារម្មណ៍

សុន្ទរកថាទាំងស្រុងរបស់សម្តេចតេជោ ហ៊ុន សែន ក្នុងពិធីបិទបញ្ចប់កិច្ចប្រជុំកំពូលអាស៊ាន លើកទី៤០ និង៤១ និងកិច្ចប្រជុំពាក់ព័ន្ធ ()

ព័ត៌មានគួរចាប់អារម្មណ៍

សម្តេចតេជោ ហ៊ុន សែន បន្តដឹកនាំកិច្ចប្រជុំកំពូលចំនួនពីរទៀត មុនឈានដល់ការបិទបញ្ចប់នៅព្រឹកថ្ងៃនេះ ()

វីដែអូ