ថ្ងៃសៅរ៍ ទី៣១ ខែកក្កដា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
តំបន់ប្រតិបត្តិការសឹករងបន្ទាយមានជ័យ ធ្វើតេស្តរកជំងឺកូវីដ ជូនយោធិនដែលបំពេញប្រតិបត្តិការទប់ស្កាត់ពលរដ្ឋឆ្លងដែនខុសច្បាប់ និងកម្លាំងការពារនៅតំបន់បិទខ្ទប់ភូមិសាស្ត្រក្រុងប៉ោយប៉ែត
Mon,19 July 2021 (Time 09:25 PM)
ដោយ ៖ (ចំនួនអ្នកអាន: 54នាក់)

(បន្ទាយមានជ័យ)៖ លោកឧត្តមសេនីយ៍ត្រី ជឹម ប៊ុនអាន មេបញ្ជាការ តំបន់ប្រតិបត្តិការសឹករងបន្ទាយមានជ័យ នៅថ្ងៃទី១៩ ខែកក្កដា ឆ្នាំ២០២១នេះ បានដឹកនាំកម្លាំងធ្វើតេស្តរហ័ស (Rapid Test) រកជំងឺកូវីដ១៩ ដល់នាយទាហាន នាយទាហានរង និងពលទាហាន ព្រមទាំងគ្រួសារយោធិនទាំងអស់ នៅទីបញ្ជាការ និងនៅបំពេញប្រតិបត្តិការទប់ស្កាត់ប្រជាពលរដ្ឋឆ្លងដែនខុសច្បាប់ និងកម្លាំងការពារនៅតំបន់បិទខ្ទប់ភូមិសាស្ត្រក្រុងប៉ោយប៉ែត។

ក្នុងបេសកកម្មយកសំណាកនេះផងដែរ គឺលោកឧត្តមសេនីយ៍ត្រី ជឹម ប៊ុនអាន ដឹកនាំដោយផ្ទាល់ដោយបានបែងចែកជា ៥គោលដៅធំៗ គឺទីបញ្ជាការតំបន់ប្រតិបត្តិការសឹក ទីបញ្ជាការវរសេនាតូចលេខ១ ផ្នែកសឹករងថ្មពួក ផ្នែកសឹករងម៉ាឡៃ និងផ្នែកសឹករងប៉ោយប៉ែត។

ជាមួយគ្នានេះដែរ លោកមេបញ្ជាការបានបញ្ជាក់ថា ជាគោលការណ៍របស់ថ្នាក់ដឹកនាំការធ្វើតេស្តរហ័សនេះ ដើម្បីទប់ស្កាត់ការចម្លងតគ្នារវាងកងកម្លាំង និងកងកម្លាំង ហើយក៏ដូចជាការពង្រឹងប្រសិទ្ធភាពការងារ ដោយថាអំឡុងពេល នៃការចុះអនុវត្តវិធានការបិទខ្ទប់ និងការចុះចាក់វ៉ាក់សាំងជូនប្រជាពលរដ្ឋ កងកម្លាំងមួយចំនួនបានចុះទៅដល់គោលដៅដែលជាតំបន់ហានិភ័យនៃការឆ្លងជំងឺនេះផងដែរ។

លោកឧត្តមសេនីយ៍ត្រី ជឹម ប៊ុនអាន បានផ្តាំផ្ញើដល់កងកម្លាំងដែលកំពុងប្រតិបត្តិការទាំងអស់ ត្រូវតែបន្តសហការជាមួយកងកម្លាំងចម្រុះ​ដោយយកចិត្តទុកដាក់អោយបា​ន​ខ្ពស់ និងធ្វើតាមការណែនាំរបស់ក្រសួងសុខាភិបាលពិសេសអនុវត្តតាមអនុសាសន៍របស់សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា គឺវិធានការ «៣ការពារ និង៣កុំ»៕

ព័ត៌មានគួរចាប់អារម្មណ៍

មន្ត្រីជាន់ខ្ពស់ក្រសួងសាធារណការ សំណូមពរដល់ពលរដ្ឋជួយថែរក្សាសម្បត្តិជាតិឱ្យបានគង់វង្ស កុំដឹកជញ្ជូនលើសទម្ងន់កំណត់ដែលបង្កឱ្យផ្លូវឆាប់ខូច ()

ព័ត៌មានគួរចាប់អារម្មណ៍

ប្រកាសចូលកាន់តំណែងអភិបាលរងខេត្តព្រះវិហារ, លោក យ៉ុង គឹមហ៊ាន ជំនួសលោក គោ ស៊ុប៊ុនសឿត ដែលផ្ទេរភារកិច្ចទៅកាន់តំណែងជាអភិបាលរងខេត្តប៉ៃលិន ()

ព័ត៌មានគួរចាប់អារម្មណ៍

រដ្ឋមន្ត្រី កើត រិទ្ធ ប្រកាសផ្ទេរតែងតាំង និងចូលកាន់មុខតំណែង ប្រធានសាលាដំបូងខេត្តពោធិ៍សាត់, ប្រធានសាលាដំបូងខេត្តឧត្តរមានជ័យ, ប្រធានសាលាដំបូង និងព្រះរាជអាជ្ញាខេត្តប៉ៃលិន, ព្រះរាជអាជ្ញាខេត្តបាត់ដំបង, ព្រះរាជអាជ្ញាខេត្តបន្ទាយមានជ័យ និងព្រះរាជអាជ្ញាខេត្តសៀមរាប ()

ព័ត៌មានគួរចាប់អារម្មណ៍

រដ្ឋមន្រ្តីក្រសួងយុត្តិធម៌ ក្រើនរំលឹកជាថ្មីដល់ចៅក្រម ព្រះរាជអាជ្ញា មន្រ្តីតុលាការ និងមន្រ្តីរាជការទាំងអស់ ត្រូវប្រកាន់ខ្ជាប់នូវភាពម៉ឺងម៉ាត់ក្នុងការអនុវត្តច្បាប់ និងគោរពឱ្យបានត្រឹមត្រូវតាមក្រមសីលធម៌វិជ្ជាជីវៈ ()

ព័ត៌មានគួរចាប់អារម្មណ៍

រដ្ឋបាលខេត្តកំពង់ចាមសម្រេចបន្តអនុវត្តន៍នូវវិធានការរដ្ឋបាលក្នុងភូមិសាស្ត្រខេត្តរយៈពេល០២សប្តាហ៍ទៀត ()

វីដែអូ