ថ្ងៃសៅរ៍ ទី៣១ ខែកក្កដា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
លោក ស សុខា ឧបត្ថម្ភសេរ៉ូមចំនួន២០កេសដល់មន្ទីរពេទ្យយោធភូមិភាគទី៥
Tue,18 May 2021 (Time 08:02 PM)
ដោយ ៖ (ចំនួនអ្នកអាន: 117នាក់)

បាត់ដំបងៈ លោក ណុប ដារ៉ា អភិបាលរងខេត្តបាត់ដំបង និងប្រតិភូអមដំណើរ នាព្រឹកថ្ងៃទី១៨ ខែឧសភា ឆ្នាំ២០២១នេះ បានដឹកនាំយកសេរ៉ូមចំនួន២០កេស ដែលជាការឧបត្ថម្ភគាំទ្រពីលោក ស សុខា អនុប្រធានសហភាពសហព័ន្ធយុវជនកម្ពុជា(សសយក)និងលោកស្រី កែសួន សុភី ដើម្បីជូនដល់នាយកមន្ទីរពេទ្យយោធភូមិភាគទី៥ ហៅពេទ្យព.២ សម្រាប់ជួយព្យាបាលជំងឺកងទ័ពនិងគ្រួសារ ព្រមទាំងប្រជាពលរដ្ឋ ដែលមកទទួលសេវាព្យាបាលសង្គ្រោះផ្សេងៗ នៅក្នុងមន្ទីរពេទ្យតាមតម្រូវការជាក់ស្តែង ។

លោក ណុប ដារ៉ា បានបញ្ជាក់ថា ការផ្តល់ជូននូវអំណោយជាសេរ៉ូមជូនដល់មន្ទីរពេទ្យយោធភូមិភាគទី៥នាពេលនេះ គឺជាការបង្ហាញនូវការយកចិត្តទុក្ខដាក់ចំពោះសុខទុក្ខរបស់កម្លាំងកងទ័ព និងគ្រួសា ក៏ដូចជាប្រជាពលរដ្ឋទូទៅ ដែលបានចូលមកសម្រាកព្យាបាលជំងឺនៅក្នុងមន្ទីរពេទ្យព.២ នេះ ដើម្បីមន្ទីរពេទ្យមានលទ្ធភាពក្នុងការផ្តល់នូវ សេវាសុខភាពសាធារណៈប្រកបដោយគុណភាព តម្លាភាព និងកាន់តែលឿនជូនកងទ័ពនិងគ្រួសារ ព្រមទាំងប្រជាពលរដ្ឋបានល្អប្រសើរ ស្របពេលដែលប្រមុខរាជរដ្ឋាភិបាលកម្ពុជាបាន និងកំពុងយកចិត្តទុកដាក់ចំពោះសុខភាពប្រជាពលរដ្ឋនៅទូទាំងប្រទេស ។

លោកអភិបាលរងខេត្តបាត់ដំបង បានធ្វើការកោតសរសើរដល់ថ្នាក់ដឹកនាំ និងលោកគ្រូ អ្នកគ្រូពេទ្យយោធភូមិភាគទី៥ ដែលកន្លងមកបានយកចិត្តទុកដាក់ក្នុងការព្យាបាលទាំងកងទ័ពនិងគ្រួសារកងទ័ព ជាពិសេសគឺប្រជាពលរដ្ឋដែលមានភាពទីទាល់ក្រ ដែលកាយវិការនេះគឺស្ដែងឱ្យឃើញអំពីការចូលរួមសម្រាលបន្ទុកជាមួយប្រមុខរដ្ឋាភិបាល ក្នុងកាលៈទេសៈដែលប្រទេសជាតិកំពុងជួបនូវវិបត្តិនៃការរាតត្បាតនៃជំងឺកូវីដ១៩ នៅក្នុងសហគមន៍រាជធានីភ្នំពេញនិងតាមបណ្តាខេត្តមួយចំនួនទៀត ដើម្បីធ្វើការប្រយុទ្ធប្រឆាំងនឹងជំងឺសកលមួយនេះដោយគ្មានការរាថយឡើយ ។

លោក ណុប ដារ៉ា បានបង្ហាញនូវមោទនភាពចំពោះក្រុមគ្រូពេទ្យនៅខេត្តបាត់ដំបង ដែលបានបំពេញតួនាទីរបស់ខ្លួនបានល្អ ក្នុងចលនាប្រយុទ្ធប្រឆាំងនឹងជំអឺកូវីដ១៩ មិនឲ្យមានការឆ្លងបន្តរីករាលដាលទៅក្នុងសហគមន៍រស់នៅរបស់ប្រជាពលរដ្ឋ ហើយលោកបានលើកទឹកចិត្តដល់ក្រុមគ្រូពេទ្យទាំងអស់សូមបន្តយកនូវវប្បធម៌នៃការខិតខំយកចិត្តទុកដាក់ក្នុងការទប់ស្កាត់ការឆ្លងជំងឺនិងការព្យាបាលជូនអ្នកជំងឺឲ្យបានជាសះស្បើយ ដើម្បីធ្វើសមាហណកម្ម ពួកគាត់ទៅកាន់សហគមន៍វិញប្រកបដោយប្រសិទ្ធិភាព និងការទទួលខុសត្រូវខ្ពស់ ៕

ព័ត៌មានគួរចាប់អារម្មណ៍

មន្ត្រីជាន់ខ្ពស់ក្រសួងសាធារណការ សំណូមពរដល់ពលរដ្ឋជួយថែរក្សាសម្បត្តិជាតិឱ្យបានគង់វង្ស កុំដឹកជញ្ជូនលើសទម្ងន់កំណត់ដែលបង្កឱ្យផ្លូវឆាប់ខូច ()

ព័ត៌មានគួរចាប់អារម្មណ៍

ប្រកាសចូលកាន់តំណែងអភិបាលរងខេត្តព្រះវិហារ, លោក យ៉ុង គឹមហ៊ាន ជំនួសលោក គោ ស៊ុប៊ុនសឿត ដែលផ្ទេរភារកិច្ចទៅកាន់តំណែងជាអភិបាលរងខេត្តប៉ៃលិន ()

ព័ត៌មានគួរចាប់អារម្មណ៍

រដ្ឋមន្ត្រី កើត រិទ្ធ ប្រកាសផ្ទេរតែងតាំង និងចូលកាន់មុខតំណែង ប្រធានសាលាដំបូងខេត្តពោធិ៍សាត់, ប្រធានសាលាដំបូងខេត្តឧត្តរមានជ័យ, ប្រធានសាលាដំបូង និងព្រះរាជអាជ្ញាខេត្តប៉ៃលិន, ព្រះរាជអាជ្ញាខេត្តបាត់ដំបង, ព្រះរាជអាជ្ញាខេត្តបន្ទាយមានជ័យ និងព្រះរាជអាជ្ញាខេត្តសៀមរាប ()

ព័ត៌មានគួរចាប់អារម្មណ៍

រដ្ឋមន្រ្តីក្រសួងយុត្តិធម៌ ក្រើនរំលឹកជាថ្មីដល់ចៅក្រម ព្រះរាជអាជ្ញា មន្រ្តីតុលាការ និងមន្រ្តីរាជការទាំងអស់ ត្រូវប្រកាន់ខ្ជាប់នូវភាពម៉ឺងម៉ាត់ក្នុងការអនុវត្តច្បាប់ និងគោរពឱ្យបានត្រឹមត្រូវតាមក្រមសីលធម៌វិជ្ជាជីវៈ ()

ព័ត៌មានគួរចាប់អារម្មណ៍

រដ្ឋបាលខេត្តកំពង់ចាមសម្រេចបន្តអនុវត្តន៍នូវវិធានការរដ្ឋបាលក្នុងភូមិសាស្ត្រខេត្តរយៈពេល០២សប្តាហ៍ទៀត ()

វីដែអូ