ថ្ងៃអាទិត្យ ទី១១ ខែមេសា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
រដ្ឋបាលខេត្តក្រចេះរៀបចំពិធីអបអរសាទរទិវាសិទ្ធិនារីអន្តរជាតិ៨មីនា លើកទី១១០ ក្រោមប្រធាន «ស្ត្រី និងការអភិវឌ្ឍក្នុងបរិការណ៍កូវីដ-១៩ »
Thu,04 March 2021 (Time 03:40 PM)
ដោយ ៖ (ចំនួនអ្នកអាន: 62នាក់)

ខេត្តក្រចេះ ៖ នាព្រឹកថ្ងៃព្រហស្បតិ៍ ខែផល្គុន ឆ្នាំជូត ទោសក័ ពស២៥៦៤ ត្រូវនឹងថ្ងៃទី០៤ ខែមីនា ឆ្នាំ២០២១នេះ រដ្ឋបាលខេត្តក្រចេះបានរៀបចំពិធីអបអរសាទរទិវាសិទ្ធិនារីអន្តរជាតិ៨មីនា លើកទី១១០ ក្រោមប្រធាន «ស្ត្រី និងការអភិវឌ្ឍក្នុងបរិការណ៍កូវីដ-១៩ » ក្រោមអធិបតីភាពឯកឧត្តម វ៉ា ថន អភិបាលនៃគណៈអភិបាលខេត្តក្រចេះ និងលោកជំទាវ ឯកឧត្តម ហឿ ស៊ីយ៉ែម ប្រធានក្រុមប្រឹក្សាខេត្ត និង លោកជំទាវ។ ក្នុងពិធីនេះផងដែរ ក៏មានការអញ្ជើញចូលរួមពីសំណាក់ឯកឧត្តម លោកជំទាវជាអភិបាលរងខេត្ត លោក លោកស្រីប្រធាន អនុប្រធានមន្ទីរជុំវិញខេត្ត និងសមាជិកាសមាគមនារីជាច្រើន

ក្នុងឱកាសនោះ ឯកឧត្តមអភិបាលខេត្តក៏បានថ្លែងនូវការកោតសរសើចំពោះសមាគមនារីខេត្ត ដែលបានបំពេញតួនាទី និងកត្តព្វកិច្ចជាមាតាពិភពលោក និងបានក្លាយខ្លួនជាអ្នកដឹកនាំការងារនៅក្នុងស្ថាបន័ផ្សេងៗ។ សិទ្ធិនារីបានបង្ហាញនូវសុឆន្ទៈក្នុងភាពជាអ្នកដឹកនាំកន្លងមកបានល្អប្រសើរ ហើយមានការទទួលខុសត្រូវខ្ពស់ដើម្បីឆ្លើយតបទៅនឹងគោលនយោបាយរបស់រាជរដ្ឋាភិបាល ដែលបានដាក់ចេញនូវយុទ្ធសាស្រ្តបង្កើនចំនួនស្រ្តីនូវមុខតំណែងក្នុងការគ្រប់គ្រងនៅរដ្ឋបាលថ្នាក់ក្រោមជាតិឲ្យមានសមធម៌និងតម្លាភាព ហើយមានសិទ្ធិស្មើគ្នានឹងបុរសទាំងក្នុងស្ថាប័នរដ្ឋ និងស្ថាប័នឯកជនមិនអាចខ្វះបានក្នុងការអភិវឌ្ឍប្រទេសជាតិ។

ឯកឧត្តមអភិបាលខេត្តមានប្រសាសន៍បន្តថា ក្នុងបរិបទនៃជំងឺរាតត្បាតកូវីដ-១៩នេះបានធ្វើឲ្យអ្វីៗ គ្រប់យ៉ាងជួបនឹងបញ្ហា សម្រាប់យើងគ្រប់គ្នា ទាំងការរកទទួលទាន និងការប្រកបមុខរបរផ្សេងៗ និងឈានទៅប៉ះពាល់ដល់សេដ្ឋកិច្ចជាតិទាំងមូលផងដែរ។ ដូចនេះយើងចាំបាច់ត្រូវជម្នះគ្រប់ឧបសគ្គដើម្បីចូលរួមជាមួយរាជរដ្ឋាភិបាលដែលមានសម្តេចតេជោ សែន ជានាយករដ្ឋមន្រ្តី ក្នុងការដោះស្រាយគ្រប់ជំពូក សម្រាប់ប្រទេសជាតិ និងសម្រាប់ប្រជាពលរដ្ឋទូទាំងប្រទេសផងដែរ។

ក្នុងឱកាសនោះដែរ ឯកឧត្តមគណៈអភិបាលខេត្តក៏បានអំពាវនាវដល់អង្គពិធីទាំងមូលត្រឡប់ទៅមូលដ្ឋានវិញ មេត្តាផ្សព្វផ្សាយដល់បងប្អូនប្រជាពលរដ្ឋនៅតាមមូលដ្ឋាន និងសហគមន៍ឲ្យចូលរួមធ្វើអនាម័យឲ្យបានជាប្រចាំ និងចូលរួមអនុវត្តនូវគោលការណ៍ «៣ការពារ និង៣កុំ» របស់រាជរដ្ឋាភិបាលកម្ពុជា ដែលមានសម្តេចតេជោសែនជាប្រមុខដឹកនាំ និងការណែនាំរបស់ក្រសួងសុខាភិបាលដែលបានដាក់ចេញ ដើម្បីទប់ស្កាត់ និងការពាររោគរាតត្បាតនៃជំងឺកូវីដ-១៩។ ក្នុងនោះ ៣ការពារ មាន ៖ ពាក់ម៉ាស់. លាងដៃ. គម្លាតសង្គម ឬគម្លាតបុគ្គល (ចាប់ពី១,៥ ម៉ែត្រឡើងទៅ )។ ៣កុំមាន ៖ កុំទៅកន្លែងបិទជិត ដែលគ្មានខ្យល់ចេញចូល និងម៉ាស៊ីនត្រជាក់ច្រើនពេក កុំទៅកន្លែងដែលមានមនុស្សច្រើនកកកុញ កុំប៉ះពាល់គ្នា កុំចាប់ដៃគ្នា កុំកៀកស្មារគ្នា កុំឱបថើបគ្នាជាដើម៕

ព័ត៌មានគួរចាប់អារម្មណ៍

សាខាកាកបាទក្រហមកម្ពុជាខេត្តបាត់ដំបងលោក បើកយុទ្ធនាការផ្សព្វផ្សាយសារសុវត្ថិភាពចរាចរណ៍ និងវិធានការទបស្កាត់ការរីករាលដាលកូវីដ១៩ ក្នុងព្រឹត្តិការណ៍សហគមន៍២០កុម្ភៈ មុនពិធីបុណ្យចូលឆ្នាំថ្មីប្រពៃណីជាតិខ្មែរ ()

ព័ត៌មានគួរចាប់អារម្មណ៍

អភិបាលខេត្តពោធិ៍សាត់ ចុះត្រួតពិនិត្យគោលដៅអនុវត្តន៍បទបញ្ជារបស់រាជរដ្ឋាភិបាល លើការបិទការធ្វើដំណើរឆ្លងកាត់ពីខេត្តមួយទៅខេត្តមួយ ជាបណ្តោះអាសន្នរយៈពេល១៤ថ្ងៃ ()

ព័ត៌មានគួរចាប់អារម្មណ៍

អាជ្ញាធរខេត្តព្រះវិហារ ចុះត្រួតពិនិត្យគោលដៅអនុវត្តន៍បទបញ្ជារបស់រាជរដ្ឋាភិបាល លើការបិទការធ្វើដំណើរឆ្លងកាត់ពីខេត្តមួយទៅខេត្តមួយ ជាបណ្តោះអាសន្នរយៈពេល ១៤ថ្ងៃ ()

ព័ត៌មានគួរចាប់អារម្មណ៍

ធនាគារវឌ្ឍនៈ សាខាខេត្តបាត់ដំបង បានផ្តល់ម៉ាស់ ចំនួន ១២ម៉ឺន ៥ពាន់ ម៉ាស់ និងអាកុលចំនួន ៦០០លីត្រ ដល់រដ្ឋបាលខេត្តបាត់ដំបង សម្រាប់ប្រើប្រាស់ក្នុងការប្រយុទ្ធប្រឆាំងជំងឺកូវីដ ១៩ ()

ព័ត៌មានគួរចាប់អារម្មណ៍

អភិបាលខេត្តប៉ៃលិន ចុះសាកសួរសុខទុក្ខ និងនាំយកស្បៀងអាហារទៅឧបត្ថម្ភដល់កងកម្លាំង ដែលកំពុងឈរជើងការពារតាមគោលដៅ ខ្សែបន្ទាត់ព្រំដែនកម្ពុជា-ថៃ ដើម្បីរួមគ្នាប្រយុទ្ធប្រឆាំងការរីករាលដាលជំងឺកូវីដ-១៩ ពីក្រៅប្រទេស ()

វីដែអូ