ថ្ងៃច័ន្ទ ទី០៨ ខែមីនា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
សម្តេចក្រឡាហោម ស ខេង អញ្ជើញចែកសញ្ញាបត្រដល់និស្សិតចំនួន ២,០២៣នាក់ នៅសកលវិទ្យាល័យជាតិបាត់ដំបង
Wed,20 January 2021 (Time 05:09 PM)
ដោយ ៖ (ចំនួនអ្នកអាន: 65នាក់)

(បាត់ដំបង)៖ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានក្រុមការងារចុះមូលដ្ឋានខេត្តបាត់ដំបង បានអញ្ជើញចែកសញ្ញាបត្រដល់និស្សិតជ័យលាភីចំនួន ២,០២៣នាក់ ថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ នៅសកលវិទ្យាល័យជាតិបាត់ដំបង។

ពិធីនេះមានការអញ្ជើញចូលរួមពីប្រតិភូអមដំណើរ អ្នកតំណាងរាស្រ្ត ប្រធានក្រុមការងារលោក ស សុខា រដ្ឋលេធិការក្រសួងអប់រំ យុវជន និងកីឡា គណៈអភិបាលខេត្ត សកលវិទ្យាធិការ នៃសកលវិទ្យាល័យជាតិបាត់ដំបង ថ្នាក់ដឹកនាំមន្រ្តីរាជការ នានាជុំវិញខេត្ត លោកគ្រូ អ្នកគ្រូសិស្សានុសិស្សចូលរួមផងដែរ។

លោក សុខ ឃន សកលវិទ្យាធិការ នៃសកលវិទ្យាល័យជាតិបាត់ដំបង បានធ្វើរបាយការណ៍សង្ខេប នៃការបណ្តុះបណ្តាលសិស្ស និស្សិត ក្នុងវិស័យអប់រំកន្លងមកបានចំនួន ២ម៉ឺននាក់ និងបានរកការងារធ្វើបាន៩០ភាគរយហើយ ផងដែរ។

សម្តេច ស ខេង បានរំលឹកពីប្រវត្តិរបស់សកលវិទ្យាល័យជាតិបាត់ដំបងកន្លងមក ព្រមទាំងបានសំណេះសំណាលក្នុងឱកាស ពិធីប្រគល់សញ្ញាបត្រដល់និស្សិតចំនួន២,០២៣នាក់ នៃសកលវិទ្យាល័យជាតិបាត់ដំបង រយ:ពេលកន្លងមកបានជួបការលំបាក យើងក៏បានកសាងសកលវិទ្យសល័យជាតិបាត់ដំបងរហូតដល់មានការរីកចំរើនដល់សព្វថ្ងៃ។

សម្តេចក្រឡាហោម ស ខេង បានថ្លែងអំណគុណដល់សាស្រ្តាចារ្យ លោកគ្រូ អ្នកគ្រូ ពិសេសសកលវិទ្យាធិការនៃសកលវិទ្យាល័យជាតិបាត់ដំបង ដែលបានខិតខំប្រឹងប្រែងធ្វើការបណ្តុះបណ្តាលនិស្សិតយើងបានល្អប្រកបដោយគុណភាព ប្រសិទ្ធភាព និងការទទួលខុសត្រូវខ្ពស់ សម្រាប់យកចំណេះដឹងប្រើទៅលើទីផ្សារការងារនាពេលអនាគត់ ដើម្បីចូលរួមចំណែកកសាងនិងអភិវឌ្ឍន៍ប្រទេសជាតិយើងផងដែរ។

សម្តេចបានបន្តថា និស្សិតដែលបានទទួលការអប់រំ បណ្តុះបណ្តាល ត្រឹមត្រូវ ក៏ដូចជា ការកសាងធនធានមនុស្សបានល្អ បានកាន់តែច្រើន គឺជាធនធានមួយសំខាន់ណាស់សម្រាប់ទីផ្សារការងារ និងចូលរួមកាត់បន្ថយភាពក្រីក្រ របស់ប្រជាពលរដ្ឋយើង មានធនធានមនុស្សល្អច្រើន ប្រកបដោយគុណភាព យើងចង់ធ្វើអ្វីក៏បានដែរ។

សម្តេចបានបន្ថែមថា «និស្សិតយើងមិនត្រឹមតែបានរៀននៅតាមសាលាប៉ុណ្ណោះទេ គឺយើងក៏អាចរៀនតាមវិទ្យុ ទូរទស្សន៍ និងតាមរយ:ផ្សេងៗ គឺសុទ្ធតែជាគ្រូយើងទាំងអស់ ធ្វើឲ្យយើងមានការរីចំរើនចំណេះដឹងរបស់យើងបន្ថែមទៀ»។

សម្តេចបានបន្តទៀតថា «ប្រមុខរាជរដ្ឋាភិបាលកម្ពុជាយើង បានផ្តល់ជាអាទិភាពលើវិស័យអប់រំ ដែលបានដើរតួនាទីរបស់ខ្លួនយ៉ាងសំខាន់បំផុត ក្នុងការកសាងធនធានមនុស្សដើម្បីអភិវឌ្ឍន៍ប្រទេសជាតិឲ្យមានការរីកចំរើនខ្លាំងនាពេលអនាគតតទៅផងដែរ»។

សម្តេចបានផ្តាំផ្ញើដល់និស្សិតទាំងអស់ថា សូមនាំគ្នាចូលរួមការពារកុំឲ្យឆ្លងជំងឺកូវីដ-១៩ ដោយអនុវត្តតាមការណែនាំរបស់ក្រសួងសុខាភិបាលជាប្រចាំ។ ជាកិច្ចបញ្ចប់សម្តេចបានប្រគល់សញ្ញាបត្រដល់និស្សិតជានិមិត្តរូបមួយចំនួនផងដែរ៕

ព័ត៌មានគួរចាប់អារម្មណ៍

រដ្ឋមន្រ្តី សាយ សំអាល់ សម្ពោធឱ្យប្រើប្រាស់ស្ថានីយ៍ផលិតថាមពលអគ្គិសនីដើរដោយពន្លឺព្រះអាទិត្យ និងប្រព័ន្ធផ្ទុកថាមពល (អាគុយ) នៅមជ្ឈមណ្ឌលស្រាវជ្រាវ និងអភិរក្សកេសរកូល «សុខ អាន ភ្នំគូលែន» ()

ព័ត៌មានគួរចាប់អារម្មណ៍

អភិបាលខេត្តពោធិ៍សាត់ ចុះពិនិត្យទីតាំងឈូសឆាយបើកផ្លូវចូលទៅទីតាំងដីគ្រោងសាងសង់រដ្ឋបាលប្រមូលផ្តុំ ក្នុងស្រុកតាលោសែនជ័យ និងទីតាំងដីបម្រុងទុករបស់រដ្ឋ ដែលគ្រោងនឹងសាងសង់រដ្ឋបាលប្រមូលផ្តុំ ក្នុងស្រុកភ្នំក្រវាញ ()

ព័ត៌មានគួរចាប់អារម្មណ៍

នាយឧត្តមសេនីយ៍សន្ដិបណ្ឌិត នេត សាវឿន ផ្ញើសារអបអរសាទរ និងជូនពរសម្ដេចតេជោ ហ៊ុន សែន ចំពោះសមិទ្ធផលប្រវត្តិសាស្ត្រថ្មី នៃនយោបាយឈ្នះឈ្នះ ទទួលបានតំណក់ប្រេងលើកដំបូង ()

ព័ត៌មានគួរចាប់អារម្មណ៍

ឧត្តមសេនីយ៍ឯក ចាប ភក្តី និងឧត្តមសេនីយ៍ឯក កែវ ធី ផ្ញើសារអបអរសាទរ និងជូនពរសម្ដេចតេជោ ហ៊ុន សែន ចំពោះសមិទ្ធផលប្រវត្តិសាស្ត្រថ្មី នៃនយោបាយឈ្នះឈ្នះ ទទួលបានតំណក់ប្រេងលើកដំបូង ()

ព័ត៌មានគួរចាប់អារម្មណ៍

រដ្ឋមន្ត្រីទេសចរណ៍ ៖ ភ្ញៀវទេសចរអាចដើរកម្សាន្តបានក្នុងឱកាសឆ្លងឆ្នាំសកល តែត្រូវអនុវត្តតាមវិធានសុវត្ថិភាពដាច់ខាត ()

វីដែអូ