ថ្ងៃអាទិត្យ ទី២៥ ខែតុលា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
គណៈកម្មាធិការប្រជាជនទីក្រុងដាណាំង តាមរយៈ ស្ថាន អគ្គកុងស៊ុល នៃសាធារណរដ្ឋសង្គមនិយមវៀតណាមប្រចាំខេត្តបាត់ដំបង បានឧបត្ថម្ភ ម៉ាស់ និងទឹកអាកុលលាងដៃសម្លាប់មេរោគជូនដល់រដ្ឋបាលខេត្តបាត់ដំបង
Wed,30 September 2020 (Time 09:00 PM)
ដោយ ៖ (ចំនួនអ្នកអាន: 58នាក់)

នៅរសៀលថ្ងៃពុធ ១៣កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៣០ ខែកញ្ញា ឆ្នាំ២០២០ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានទទួលសម្តែងការគួរសម ជាមួយ ឯកឧត្តម អគ្គកុងស៊ុល នៃសាធារណរដ្ឋសង្គមនិយមវៀតណាមប្រចាំខេត្តបាត់ដំបង និងបាននាំយក ម៉ាស់ និងទឹកអាកុលលាងដៃសម្លាប់មេរោគ ដែលជាជំនួយរបស់គណៈកម្មាធិការប្រជាជនទីក្រុងដាណាំង នៃសាធារណរដ្ឋសង្គមនិយមវៀតណាម ជូនដល់រដ្ឋបាលខេត្តបាត់ដំបង ដែលក្នុងនោះរួមមានម៉ាស់ចំនួន៥,០០០ម៉ាស់ ទឹកអាកុលលាងដៃសម្លាប់មេរោគចំនួន៥០០ដប ដើម្បីចូលរួមទប់ស្កាត់ និងប្រយុទ្ធប្រឆាំងការររីករាលដាលជម្ងឺកូវីដ-១៩ នៅក្នុងខេត្តបាត់ដំបង ។

ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានមានប្រសាសន៍ថ្លែងអំណរគុណ និងសូមកោតសរសើរដល់ ឯកឧត្តម ប្រធានគណៈកម្មាធិការប្រជាជនទីក្រុងដាណាំង នៃសាធារណរដ្ឋសង្គមនិយមវៀតណាម តាមរយៈ ឯកឧត្តម អគ្គកុងស៊ុល នៃសាធារណរដ្ឋសង្គមនិយមវៀតណាមប្រចាំខេត្តបាត់ដំបង បើទោះបីជាទីក្រុងដាណាំងធ្លាប់មានការឆ្លងរីករាលដាលជម្ងឺកូវីដ-១៩ ដំណាក់កាលទី២នៅទីក្រុងដាណាំងរួចមក ក៏នៅតែឆ្លៀតជួយជាឧបត្ថម្ភជាម៉ាស ជាទឹកអាកុលលាងដៃជូនដល់រដ្ឋបាលខេត្តបាត់ដំបង ដើម្បីយកទៅប្រើប្រាស់សម្រាប់ធ្វើការទប់ស្កាត់ជម្ងឺកូវីដ-១៩ ដែលនេះសបញ្ជាក់អំពីចំណងមិត្តភាពល្អនឹងគ្នាទៅវិញទៅមក ជួយគ្នាក្នុងគ្រាមានអាសន្នផងដែរ ។ ឯកឧត្តម បានបញ្ជាក់ទៀតថា ចំពោះម៉ាស់និងអាកុលដែលទទួលបាននេះ រដ្ឋបាលខេត្តបាត់ដំបងនឹងធ្វើការរៀបចំចែកជូនទៅតាមសាលារៀននានាក្នុងខេត្ត សម្រាប់ចែកជូនដល់ លោកគ្រូ អ្នកគ្រូ សិស្សានុសិស្សដែលមានការខ្វះខាត ដើម្បីធ្វើយ៉ាងណាឲ្យការសិក្សារបស់សិស្សានុសិស្សប្រកបសុខភាពល្អ និងគ្មានជម្ងឺកូវីដ-១៩មកបៀតបៀនឡើយ ៕

ព័ត៌មានគួរចាប់អារម្មណ៍

លោក ស សុខា នាំអំណោយចែកជូនប្រជាពលរដ្ឋ៥០០គ្រួសារ ដែលរងគ្រោះដោយទឹកជំនន់ នៅស្រុកស្វាយចេក ខេត្តបន្ទាយមានជ័យ ()

ព័ត៌មានគួរចាប់អារម្មណ៍

អភិបាលខេត្តបាត់ដំបង អញ្ជើញចូលរួមចុះចែកអំណោយដល់ប្រជាពលរដ្ឋរងគ្រោះដោយសារទឹកជំនន់ ()

ព័ត៌មានគួរចាប់អារម្មណ៍

ឯកឧត្តម ណុប ដារ៉ា អភិបាលរង នៃគណៈអភិបាលខេត្តបាត់ដំបង លោកអភិបាលក្រុង យុវជន ស.ស.យ.ក. ខេត្តនិងសហការីមួយចំនួន បានអញ្ជេីញសួរសុខទុក្ខ និងនាំអំណោយដ៏ថ្លៃថ្លារបស់ឯកឧត្តម ស សុខា និងលោកជំទាវ កែ សួនសុភី ជូនដល់បងប្អូនដែលកំពុងរងគ្រោះទឹកជំនន់ ()

ព័ត៌មានគួរចាប់អារម្មណ៍

ឯកឧត្តម ងួន រតនៈ អញ្ជើញទទួលអំណោយពីសប្បុរសជនក្នុងការងារមនុស្សធម៌ សម្រាប់ជួយជនគ្រួសាររងគ្រោះដោយសារទឹកជំនន់ ()

ព័ត៌មានគួរចាប់អារម្មណ៍

អាជ្ញាធរខេត្តបន្ទាយមានជ័យ រួមជាមួយសប្បុរសជនបន្តចុះនាំយកស្បៀងសង្គ្រោះបន្ទាន់ផ្តល់ជូនប្រជាពលរដ្ឋ ()

វីដែអូ