ថ្ងៃសៅរ៍ ទី១៩ ខែកញ្ញា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
អភិបាលខេត្តអំពាវនាវដល់ប្រជាពលរដ្ឋត្រូវបង្កើនការយកចិត្តទុកដាក់ខ្ពស់ ​និងមិនត្រូវធ្វេសប្រហែសចំពោះជំងឺកូវីដ-១៩ឡើយ
Fri,07 August 2020 (Time 09:40 AM)
ដោយ ៖ (ចំនួនអ្នកអាន: 88នាក់)

ខេត្តស្វាយរៀង ៖ ឯកឧត្តម​ ម៉ែន​ វិបុល​ អភិបាល​ នៃគណៈអភិបាលខេត្តស្វាយរៀងបានផ្តាំផ្ញើដល់ប្រជាពលរដ្ឋ​ មិនត្រូវធ្វេសប្រហែសចំពោះជំងឺកូវីដ-១៩ ដែលជាបញ្ហាប្រឈមរបស់សកលលោក​ ដែលយើងទាំងអស់គ្នាមិនត្រូវធ្វេសប្រហែសនោះទេ​ ត្រូវបង្កើនការយកចិត្តទុកដាក់ខ្ពស់ និងត្រៀមទប់ស្កាត់គ្រប់ពេលវេលា ដូចជាការធ្វើអនាម័យសុខភាពឲ្យបានជាប្រចាំស្របតាមការណែនាំរបស់ក្រសួងសុខាភិបាល។

ការផ្តាំផ្ញើរបស់ឯកឧត្តមបែបនេះធ្វើឡើងនាព្រឹកថ្ងៃព្រហស្បតិ៍ ២រោច​ ខែស្រាពណ៍​ ឆ្នាំជូត​ ទោស័ក​ ព.ស.២៥៦៤ ត្រូវនឹងថ្ងៃទី៦​ ខែសីហា​ ឆ្នាំ២០២០ ខណៈដែលឯកឧត្តម​អញ្ជើញជាអធិបតីក្នុងសម្ពោធអគារប៉ុស្តិ៍នគរបាលរដ្ឋបាលឃុំរាជមន្ទីរ​​ និងចែកអំណោយដល់គ្រួសារមានជីវភាពខ្វះខាតក្នុង​កំឡុងពេលកូវីដ-១៩​ ចំនួន៥០គ្រួសារ​ នៅឃុំរាជមន្ទីរ ស្រុកកំពង់រោទិ៍។

ពិធីនេះក៏មានការអញ្ជើញចូលរួមពីឯកឧត្តមសមាជិកក្រុមប្រឹក្សាខេត្ត ឯកឧត្តមអភិបាលរងខេត្ត លោកនាយករដ្ឋបាលសាលាខេត្ត លោកស្នងការ ស្នងការរងនគរបាលខេត្ត លោកប្រធានសភាពាណិជ្ជកម្មខេត្ត ក្រុមប្រឹក្សាស្រុក គណៈអភិបាលស្រុក លោកនាយកទីចាត់ការ ហិររញ្ញវត្ថុសាលាខេត្ត លោកអធិការដ្ឋាននគរបាលស្រុក ក្រុមប្រឹក្សាឃុំ លោកមេប៉ុស្តិ៍ កម្លាំងនគរបាល ព្រមទាំងបងប្អូនប្រជាពលរដ្ឋជាច្រើនរូបទៀត ។

ឯកឧត្តមបន្តថា ក្នុងរដូវវស្សានេះត្រូវមានការប្រុងប្រយ័ត្នខ្ពស់ចំពោះគ្រោះថ្នាក់ធម្មជាតិផ្សេងៗដូចជា បាតុភូតខ្យល់កន្ត្រាក់​ ផ្គរ​ រន្ទះ​ ជាដើម​ និងត្រូវចូលរួមគោរពច្បាប់ចរាចរណ៍ផ្លូវគោក ដើម្បីការពារអាយុជីវិតខ្លួនឯង និងក្រុមគ្រួសារ ជាពិសេសឪពុក​ ម្តាយត្រូវ​ ធ្វើការអប់រំកូនចៅ ចៀសឲ្យឆ្ងាយពីគ្រឿងញៀន និងត្រៀមលក្ខណៈក្នុងការបង្កបង្កើនផល​ ព្រមទាំងខិតខំប្រកបមុខរបរបន្ថែម ដើម្បីបង្កើនជីវភាពរស់នៅប្រចាំថ្ងៃ។

ក្នុងឱកាសនោះដែរ ឯកឧត្តម​អភិបាលខេត្ត ក៏បានជំរុញដល់មេប៉ុស្តិ៍​ និងមន្ត្រីប៉ុស្តិ៍ត្រូវខិតខំបម្រើប្រជាពលរដ្ឋឲ្យបានល្អ​ និងផ្ដល់សេវាឲ្យបានឆាប់រហស័​ និងមានទំនុកចិត្តពីប្រជាពលរដ្ឋ​ ជាពិសេសក្នុងតួនាទីភារកិច្ចការពារសន្តិសុខ​សុវត្ថិភាព​នៅក្នុងមូលដ្ឋានរបស់ខ្លួន។

អំណោយដែលផ្ដល់ជូនប្រជាពលរដ្ឋ ទាំង៥០គ្រួសារ ក្នុងឱកាសនោះ ក្នុង១គ្រួសារទទួលបានក្រមា១ ទឹកស៊ីអ៊ីវ១យួរ អំបិល១កញ្ចប់ សាប៊ូលុច១កញ្ចប់ ម៉ាស១០ អង្ករ១៥ គីឡូក្រាម និងថវិកា ២០.០០០រៀល។ ដោយឡែក ចំពោះក្រុមប្រឹក្សាឃុំ ស្មៀនឃុំ ជំនួយការឃុំ៧នាក់ ក្នុងម្នាក់ៗ ទទួលបានថវិកា ៣០.០០០រៀល ថ្នាក់ដឹកនាំភូមិ និងប្រជាការពារភូមិ ២០នាក់ ក្នុងម្នាក់ៗទទួលបាន ៣០.០០០រៀល កម្លាំងបុស្តិ៍នគរបាលរដ្ឋបាលឃុំរាជមន្ទីរ ៦នាក់ ក្នុងម្នាក់ៗទទួលបាន ៣០.០០០រៀល និងឧបត្ថម្ភអង្ករសម្រាប់ប៉ុស្តិ៍នគរបាលរដ្ឋបាលឃុំរាជមន្ទីរ ចំនួន ២បាវ ស្មើនឹង ១០០គីឡូក្រាម៕

ព័ត៌មានគួរចាប់អារម្មណ៍

ឯកឧត្តម ងួន រតនៈ បាននាំយកសាររំលែកមរណទុក្ខ និងបច្ច័យរបស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ប្រគល់ជូនដល់ក្រុមគ្រួសារសព ដែលស្លាប់ដោយសារឧបទ្ទវហេតុគ្រោះធម្មជាតិរន្ទះបាញ់ នៅក្នុង ស្រុករុក្ខគិរី ខេត្តបាត់ដំបង ()

ព័ត៌មានគួរចាប់អារម្មណ៍

ឯកឧត្តម ងួន រតនៈ អភិបាល នៃគណៈអភិបាលខេត្ត និងឯកឧត្តម លោកជំទាវ ទីប្រឹក្សាសម្តេចក្រឡាហោម ស ខេង បាននាំយកទេយ្យទាន ទេយ្យវត្ថុ គ្រឿងឧបរិភោគ និងបច្ច័យប្រគេនជូនព្រះសង្ឃ គង់នៅវត្តស្វាយដង្គំ ភូមិព្រែកឆ្តោ ឃុំពាមឯក ស្រុកឯកភ្នំ ខេត្តបាត់ដំបង ()

ព័ត៌មានគួរចាប់អារម្មណ៍

លោក សឿម ប៊ុនរិទ្ធិ អភិបាលរង នៃគណៈអភិបាលខេត្តបាននាំយកទេយ្យទាន គ្រឿងបរិក្ខា និងបច្ច័យប្រគេនជូនព្រះសង្ឃចំនួន ៣ វត្ត ដែលស្ថិតនៅក្នុងឃុំកំរៀង ស្រុកកំរៀង ខេត្តបាត់ដំបង ()

ព័ត៌មានគួរចាប់អារម្មណ៍

ប្រកាសចូលកាន់តំណែងស្នងការនគរបាលខេត្តឧត្តរមានជ័យ, ឧត្តមសេនីយ៍ត្រី ហួត សុធី ស្នងការរងខេត្តសៀមរាប ជំនួសឧត្តមសេនីយ៍ទោ ម៉ែន លី ដែលផ្ទេរទៅកាន់តំណែងជាស្នងការខេត្តកំពង់ធំ ()

ព័ត៌មានគួរចាប់អារម្មណ៍

វរសេនីយ៍ទោ លឹម ពុទ្ធីឡា ប្រគល់ភារកិច្ចថ្នាក់ដឹកនាំនៅអធិការដ្ឋាននគរបាលស្រុកបវេល​ ខេត្ត​បាត់ដំបង ()

វីដែអូ