ថ្ងៃអង្គារ៍ ទី២២ ខែកញ្ញា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
លោក សឿម ប៊ុនរិទ្ធិ អភិបាលរងខេត្ត អញ្ជើញជាអធិបតីភាពក្នុងពិធីបើកសម្ពោធជាផ្លូវការ សម្រាប់គម្រោងច្រកចេញចូលតែមួយ ជាមួយឧបករណ៍ Chatbot និងឧបករណ៍ឆ្លើយតបសម្លេងអន្តរកម្ម (IVR) របស់ទីភ្នាក់ងារ USAID នៅសណ្ឋាគារក្លាស់ស៊ី ខេត្តបាត់ដំបង
Thu,27 August 2020 (Time 01:03 PM)
ដោយ ៖ (ចំនួនអ្នកអាន: 68នាក់)

នៅព្រឹកថ្ងៃព្រហស្បតិ៍ ៩កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៧ ខែសីហា ឆ្នាំ២០២០ លោក សឿម ប៊ុនរិទ្ធិ អភិបាលរង នៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង លោកស្រី វីណា រេឌី ប្រធានទីភ្នាក់ងារសហរដ្ឋអាមេរិចសម្រាប់អភិវឌ្ឍអន្តរជាតិប្រចាំកម្ពុជា (USAID) និងលោក ឡិនដែល ហ្វូន នាយកកម្មវិធីនៃគម្រោងចក្រចេញចូលតែមួយ បានអញ្ជើញជាអធិបតីភាពក្នុងពិធីបើកសម្ពោធជាផ្លូវការ សម្រាប់គម្រោងច្រកចេញចូលតែមួយ ជាមួយឧបករណ៍ Chatbot និងឧបករណ៍ឆ្លើយតបសម្លេងអន្តរកម្ម (IVR) របស់ទីភ្នាក់ងារ USAID នៅសណ្ឋាគារក្លាស់ស៊ី ខេត្តបាត់ដំបង ដែលមានការអញ្ជើញចូលរួមពីនាយកគ្រប់គ្រងកហរុមហ៊ុន Nickl Global Solutions ក្រុមហ៊ុនដៃគូររួមមាន ក្រុមហ៊ុន InSTEDD ilab Southeast Asia និងវិទ្យាស្ថានគាំពាគោលនយោបាយ API លោកអភិបាល អភិបាលរងក្រុង ស្រុកគោលដៅចំនួន ៥ និងអ្នកពាក់ព័ន្ធមួយចំនួនសរុបប្រមាណជាង ៥០ នាក់ បានអញ្ជើញចូលរួមផងដែរ។

លោក សឿម ប៊ុនរិទ្ធិ បានចូលរួមអបអរសាទរចំពោះការបើកសម្ពោធជាផ្លូវការសម្រាប់គម្រោងចក្រចេញចូលតែមួយជាមួយឧបករណ៍ Chatbot និងឧបករណ៍ឆ្លើយតបសម្លេងអន្តរកម្ម (IVR) ក្នុងគោលបំណងលើកកំពស់គណនេយ្យភាពសង្គម សម្រាប់ការផ្តល់សេវាក្នុងការិយាល័យច្រកចេញចូលតែមួយក្រុង ស្រុកគោលដៅ ទាំង ៥ រួមមាន ក្រុងបាត់ដំបង ស្រុកមោងឫស្សី ថ្មគោល បវេល និងស្រុកកំរៀង តាមរយៈប្រព័ន្ធបច្ចេកវិទ្យាព័ត៌មាន (OWSO-PEA) នាពេលនេះ។

លោក អភិបាលរងខេត្ត បានមានលើកឡើងឱ្យដឹងថា ដោយមានការយកចិត្តទុកដាក់ពីសំណាក់ក្រសួងមហាផ្ទៃ ដែលមាន សម្តេចក្រឡាហោម ស ខេង ឧបនាយករដ្ឋមន្ត្រីក្រសួងមហាផ្ទៃ បា
នកំណត់ដាក់ឱ្យដំណើរការសាកល្បងនូវការិយាល័យច្រកចេញចូលតែមួយ ចំនួន ២ មុនគេ គឺការិយាល័យច្រកចេញចូលតែមួយក្រុងបាត់ដំបង និងក្រុងសៀមរាប ។ លោកបានបន្តទៀតថា ដោយមានការគាំទ្រ និងជឿទុកចិត្តពីប្រជាពលរដ្ឋ ក្រសួងមហាផ្ទៃបានដាក់ចេញនូវសេចក្តីសម្រេច ស្តីការបង្កើតការិយាល័យច្រកចេញចូលតែមួយ និងការិយាល័យប្រជាពលរដ្ឋនៅថ្នាក់ក្រុង ស្រុក ខណ្ឌ និងបានដាក់ឱ្យដំណើរជាបន្តបន្ទាប់ប្រមាណជាង ១១៥ក្រុង ស្រុក ខណ្ឌ ដោយគិតត្រឹមឆមាសទី១ ឆ្នាំ២០២០នេះ ដោយឡែកខេត្តបាត់ដំបងមានការិយាល័យច្រកចេញចូលតែមួយមានចំនួន ១០ក្រុង ស្រុក ហើយសល់ ៤ស្រុកទៀតកំពុងអនុវត្តតាមយន្តការច្រកចេញចូលតែមួយ។

លោក សឿម ប៊ុនរិទ្ធិ បានគូសបញ្ជាក់បន្ថែមទៀតថា ការបង្កើតឡើងនូវការិយាល័យច្រកចេញចូលតែនាពេលនេះ គឺដើម្បីបង្ខិតការផ្តល់សេវារដ្ឋបាលឱ្យកៀកជិតនឹងប្រជាពលរដ្ឋ ដោយបង្កភាពងាយស្រួលក្នុងការផ្តល់សេវាជូនប្រជាពលរដ្ឋឱ្យបានឆាប់រហ័ស ប្រកបដោយប្រសិទ្ធភាព គុណភាព តម្លាភាព និងឆ្លើយតបបានទាន់ពេលវេលាស្របទៅនឹងសេចក្តីត្រូវការរបស់ប្រជាពលរដ្ឋផងដែរ៕

ព័ត៌មានគួរចាប់អារម្មណ៍

ឯកឧត្តម ងួន រតនៈ បាននាំយកសាររំលែកមរណទុក្ខ និងបច្ច័យរបស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ប្រគល់ជូនដល់ក្រុមគ្រួសារសព ដែលស្លាប់ដោយសារឧបទ្ទវហេតុគ្រោះធម្មជាតិរន្ទះបាញ់ នៅក្នុង ស្រុករុក្ខគិរី ខេត្តបាត់ដំបង ()

ព័ត៌មានគួរចាប់អារម្មណ៍

ឯកឧត្តម ងួន រតនៈ អភិបាល នៃគណៈអភិបាលខេត្ត និងឯកឧត្តម លោកជំទាវ ទីប្រឹក្សាសម្តេចក្រឡាហោម ស ខេង បាននាំយកទេយ្យទាន ទេយ្យវត្ថុ គ្រឿងឧបរិភោគ និងបច្ច័យប្រគេនជូនព្រះសង្ឃ គង់នៅវត្តស្វាយដង្គំ ភូមិព្រែកឆ្តោ ឃុំពាមឯក ស្រុកឯកភ្នំ ខេត្តបាត់ដំបង ()

ព័ត៌មានគួរចាប់អារម្មណ៍

លោក សឿម ប៊ុនរិទ្ធិ អភិបាលរង នៃគណៈអភិបាលខេត្តបាននាំយកទេយ្យទាន គ្រឿងបរិក្ខា និងបច្ច័យប្រគេនជូនព្រះសង្ឃចំនួន ៣ វត្ត ដែលស្ថិតនៅក្នុងឃុំកំរៀង ស្រុកកំរៀង ខេត្តបាត់ដំបង ()

ព័ត៌មានគួរចាប់អារម្មណ៍

ប្រកាសចូលកាន់តំណែងស្នងការនគរបាលខេត្តឧត្តរមានជ័យ, ឧត្តមសេនីយ៍ត្រី ហួត សុធី ស្នងការរងខេត្តសៀមរាប ជំនួសឧត្តមសេនីយ៍ទោ ម៉ែន លី ដែលផ្ទេរទៅកាន់តំណែងជាស្នងការខេត្តកំពង់ធំ ()

ព័ត៌មានគួរចាប់អារម្មណ៍

វរសេនីយ៍ទោ លឹម ពុទ្ធីឡា ប្រគល់ភារកិច្ចថ្នាក់ដឹកនាំនៅអធិការដ្ឋាននគរបាលស្រុកបវេល​ ខេត្ត​បាត់ដំបង ()

វីដែអូ