ថ្ងៃអាទិត្យ ទី២០ ខែកញ្ញា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
សម្ដេចក្រឡាហោម ស ខេង មានជំនឿលើរដ្ឋមន្រ្តីក្រសួងយុត្តិធម៌ ក្នុងការដោះស្រាយសំណុំរឿងកកស្ទះនៅតុលាការ
Mon,10 August 2020 (Time 06:39 PM)
ដោយ ៖ (ចំនួនអ្នកអាន: 78នាក់)

(ភ្នំពេញ)៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ នៅថ្ងៃទី១០ ខែសីហា ឆ្នាំ២០២០នេះ បានបង្ហាញនូវការជឿជាក់លើ លោក កើត រិទ្ធ រដ្ឋមន្ដ្រីក្រសួងយុត្តិធម៌ ពាក់ព័ន្ធការងារដោះស្រាយសំណុំរឿងកកស្ទះនៅតុលាការ ដើម្បីបន្ធូរបន្ថយភាពចង្អៀតណែននៅក្នុងពន្ធនាគារ នាពេលបច្ចុប្បន្ន។

ក្នុងពិធីប្រកាសចូលកាន់តំណែង អគ្គនាយកថ្មី នៃអគ្គនាយកដ្ឋានពន្ធនាគារ, សម្ដេចក្រឡាហោម ស ខេង បានណែនាំរដ្ឋមន្ដ្រីក្រសួងយុត្តិធម៌ ឲ្យជំរុញការដោះស្រាយសំណុំរឿងកកស្ទះនេះ ផ្ដោតសំខាន់ទៅលើសំណុំរឿងណា ដែលមានអ្នកជាប់ឃុំក្នុងពន្ធនាគារ ខណៈសំណុំរឿងដែលមិនមានអ្នកនៅឃុំ ត្រូវទុកមួយអន្លើរសិន។

សម្ដេចក្រឡាហោម ស ខេង បានថ្លែងយ៉ាងដូច្នេះថា «ខ្ញុំមានជំនឿទៅលើ ឯកឧត្តម កើត រិទ្ធ រដ្ឋមន្ដ្រីក្រសួងយុត្តិធម៌ លើយុទ្ធនាការដោះស្រាយសំណុំរឿងកកស្ទះ តែមិនដឹងថា ការដោះស្រាយសំណុំរឿងកកស្ទះនេះ វាអាចជួយសម្រាលដល់អ្នកជាប់ឃុំនៅក្នុងពន្ធនាគារដែរ ឬទេ? ខ្ញុំក៏បានរំលឹក ឯកឧត្តម កើត រិទ្ធ ដែរថា សំណុំរឿងកកស្ទះមនុស្សនៅក្រៅឃុំកុំអាលសិន ត្រូវជំរុញសំណុំរឿងដែលកកស្ទះ ហើយមនុស្សនៅជាប់ឃុំ»។

ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានគូសបញ្ជាក់ទៀតថា សំណុំរឿងដែលមិនមានអ្នកជាប់ឃុំ មិនទាន់ជាអាទិភាពនៅឡើយទេ ពោលអាទិភាពចម្បង គឺសំណុំរឿងទាំងឡាយណាដែលមានអ្នកជាប់ឃុំក្នុងពន្ធនាគារ។ ការធ្វើបែបនេះ សំដៅសម្រួលដល់ ភាពចង្អៀនណែន នៅក្នុងពន្ធនាគារនាពេលបច្ចុប្បន្ន។

គួរជម្រាបថា បើតាមតួលេខដែលបង្ហាញដោយក្រសួងមហាផ្ទៃ នាពេលកន្លងទៅ បានឲ្យដឹងថា បច្ចុប្បន្នមានអ្នកជាប់ឃុំ ក្នុងពន្ធនាគារប្រមាណជាង៣ម៉ឺននាក់ ក្នុងនោះស្រីជាង៣,០០០នាក់ ភាគច្រើនជាបទល្មើសគ្រឿងញៀន។

កាលពីអំឡុងខែឧសភា ឆ្នាំ២០២០កន្លងទៅ ក្រសួងយុត្តិធម៌ បានបើកយុទ្ធនាការដោះស្រាយ ការកកស្ទះសំណុំរឿង នៅតាមសាលាដំបូងរាជធានី-ខេត្ត ដើម្បីជម្រះរាល់សំណុំរឿងទាំងឡាយណា ដែលបានកកស្ទះ។ មួយវិញទៀត ដើម្បីជួយសម្រួលដល់ ភាពចង្អៀនណែនក្នុងពន្ធនាគារផងដែរ៕

ព័ត៌មានគួរចាប់អារម្មណ៍

ឯកឧត្តម ងួន រតនៈ បាននាំយកសាររំលែកមរណទុក្ខ និងបច្ច័យរបស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ប្រគល់ជូនដល់ក្រុមគ្រួសារសព ដែលស្លាប់ដោយសារឧបទ្ទវហេតុគ្រោះធម្មជាតិរន្ទះបាញ់ នៅក្នុង ស្រុករុក្ខគិរី ខេត្តបាត់ដំបង ()

ព័ត៌មានគួរចាប់អារម្មណ៍

ឯកឧត្តម ងួន រតនៈ អភិបាល នៃគណៈអភិបាលខេត្ត និងឯកឧត្តម លោកជំទាវ ទីប្រឹក្សាសម្តេចក្រឡាហោម ស ខេង បាននាំយកទេយ្យទាន ទេយ្យវត្ថុ គ្រឿងឧបរិភោគ និងបច្ច័យប្រគេនជូនព្រះសង្ឃ គង់នៅវត្តស្វាយដង្គំ ភូមិព្រែកឆ្តោ ឃុំពាមឯក ស្រុកឯកភ្នំ ខេត្តបាត់ដំបង ()

ព័ត៌មានគួរចាប់អារម្មណ៍

លោក សឿម ប៊ុនរិទ្ធិ អភិបាលរង នៃគណៈអភិបាលខេត្តបាននាំយកទេយ្យទាន គ្រឿងបរិក្ខា និងបច្ច័យប្រគេនជូនព្រះសង្ឃចំនួន ៣ វត្ត ដែលស្ថិតនៅក្នុងឃុំកំរៀង ស្រុកកំរៀង ខេត្តបាត់ដំបង ()

ព័ត៌មានគួរចាប់អារម្មណ៍

ប្រកាសចូលកាន់តំណែងស្នងការនគរបាលខេត្តឧត្តរមានជ័យ, ឧត្តមសេនីយ៍ត្រី ហួត សុធី ស្នងការរងខេត្តសៀមរាប ជំនួសឧត្តមសេនីយ៍ទោ ម៉ែន លី ដែលផ្ទេរទៅកាន់តំណែងជាស្នងការខេត្តកំពង់ធំ ()

ព័ត៌មានគួរចាប់អារម្មណ៍

វរសេនីយ៍ទោ លឹម ពុទ្ធីឡា ប្រគល់ភារកិច្ចថ្នាក់ដឹកនាំនៅអធិការដ្ឋាននគរបាលស្រុកបវេល​ ខេត្ត​បាត់ដំបង ()

វីដែអូ