ថ្ងៃអាទិត្យ ទី១១ ខែមេសា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
អភិបាលខេត្តព្រះសីហនុ ប្រាប់មន្ទីរកសិកម្ម និងអាជ្ញាធរមូលដ្ឋាន បន្ដជួយកសិករលើការដាំដុះបន្លែ ចិញ្ចឹមត្រី-សត្វ ក្នុងដំណាក់កាលកូវីដ-១៩
Sat,26 December 2020 (Time 06:12 PM)
ដោយ ៖ (ចំនួនអ្នកអាន: 140នាក់)

(ព្រះសីហនុ)៖ លោក គួច ចំរើន អភិបាលខេត្តព្រះសីហនុ នៅថ្ងៃទី២៦ ខែធ្នូ ឆ្នាំ២០២០នេះ ជួបសំណេះសំណាល និងស្វែងយល់អំពីជីវភាព កសិករ បណ្តុំអាជីវកម្មបកសាច់ក្តាម នៅភូមិព្រែកប្រស់ ឃុំទឹកថ្លា ស្រុកព្រៃនប់។

ថ្លែងក្នុងឱកាសនោះ លោក គួច ចំរើន បានថ្លែងកោតសរសើរចំពោះមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ និងអាជ្ញាធរមូលដ្ឋានដែលបានយកចិត្តទុកដាក់ជួយប្រជាកសិករនៅតាមជនបទ។

លោក គួច ចំរើន បានស្នើឲ្យខិតខំបន្ថែមទៀត ក្នុងការជួយគាំទ្រដល់កសិករតាមភូមិ ដោយបើកវគ្គបណ្តុះបណ្តាលខ្លីៗ និងប្រឹក្សាបច្ចេកទេសថ្មីៗ លើវិស័យដាំដុះ ផលិត ការចិញ្ចឹមសត្វជាដើម ដល់កសិករឲ្យពួកគាត់មានការយល់ដឹងកាន់តែច្រើនបន្ថែមទៀត និងយកជំនាញនេះទៅអនុវត្តទទួលបានលទ្ធផលខ្ពស់។

បើតាមលោកអភិបាលខេត្ត ក្នុងដំណាក់កាលនេះកូវីដ-១៩ នៅតែជាបញ្ហាគួរឲ្យប្រុងប្រយ័ត្នបំផុត និងស្នើពលរដ្ឋទាំងអស់ត្រូវអនុវត្តតាមការណែនាំ របស់ក្រសួងសុខាភិបាល ដោយលាងសម្អាតដៃ ជាមួយសាប៊ូ ជែល អាល់កុលឲ្យបានញឹកញាប់ ត្រូវពាក់ម៉ាស់ ឬក្រម៉ា រក្សាគម្លាតសុវត្ថិភាព ដើម្បីកុំឲ្យមាន ការចម្លងជំងឺកូវីដ-១៩ ចូលក្នុងគ្រួសារ និងសហគមន៍។

លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានឲ្យដឹងថា ការផ្សព្វផ្សាយបច្ចេកទេសកសិកម្មថ្មី ដែលធន់នឹងការប្រែប្រួលអាកាសធាតុ ជាកម្មវិធីរបស់រាជរដ្ឋាភិបាល ដឹកនាំដោយក្រសួងកសិកម្ម រុក្ខាប្រមាញ់ និងនេសាទ អនុវត្តដោយមន្ទីរកសិកម្ម ក្នុងគោលបំណងលើកទឹកចិត្ត និងជំរុញឲ្យមានសន្ទុះអភិវឌ្ឍន៍វិស័យកសិកម្មកាន់តែរីកចម្រើន ពិសេសការជំរុញការដាំដុះ ការចិញ្ចឹមសត្វ និងវារីវប្បកម្ម ដើម្បីធានាបាននូវសន្តិសុខស្បៀងបង្កើនប្រាក់ចំណូលដល់គ្រួសារកសិករ។

ឆ្លើយតបចំពោះគោលបំណងនេះ នៅចុងឆ្នាំ២០២០ មន្ទីរកសិកម្ម បង្កើតបណ្តុំអាជីវកម្ម ដោយមានការចូលរួមដោយកសិករតាមមូលដ្ឋាន បានចំនួន០៩ ស្មើនឹង៤២៩គ្រួសារ។ ក្នុងនោះបណ្តុំអាជីវកម្មដំណាំបន្លែ២ , បណ្តុំអាជីវកម្មចិញ្ចឹមមាន់មាន០២, បណ្តុំអាជីវកម្មចិញ្ចឹមត្រី៣, បណ្តុំអាជីវកម្មកែឆ្នៃបង្គារក្រៀម០១ និងបណ្តុំអាជីវកម្មបកសាច់ក្តាមចំនួន០១។

ក្នុងឱកាសនោះ មន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ ក៏បានធ្វើការចែកសម្ភារដល់សមាជិកបណ្តុំអាជីវកម្មបកសាច់ក្តាម ចំនួន៤៥គ្រួសារ មកពីឃុំទឹកថ្លា ស្រុកព្រៃនប់ ក្នុងមួយគ្រួសារទទួលបាន ធុងក្លាសេ០១ កញ្ច្រែងដាក់ក្តាម០១ ស្រោមដៃមួយប្រអប់។ លោក គួច ចំរើន ក៏បានផ្តល់ជូនបន្ថែម ក្នុងមួយគ្រួសារក្រម៉ា០១ និងថវិកាមួយចំនួនផងដែរ៕

ព័ត៌មានគួរចាប់អារម្មណ៍

សាខាកាកបាទក្រហមកម្ពុជាខេត្តបាត់ដំបងលោក បើកយុទ្ធនាការផ្សព្វផ្សាយសារសុវត្ថិភាពចរាចរណ៍ និងវិធានការទបស្កាត់ការរីករាលដាលកូវីដ១៩ ក្នុងព្រឹត្តិការណ៍សហគមន៍២០កុម្ភៈ មុនពិធីបុណ្យចូលឆ្នាំថ្មីប្រពៃណីជាតិខ្មែរ ()

ព័ត៌មានគួរចាប់អារម្មណ៍

អភិបាលខេត្តពោធិ៍សាត់ ចុះត្រួតពិនិត្យគោលដៅអនុវត្តន៍បទបញ្ជារបស់រាជរដ្ឋាភិបាល លើការបិទការធ្វើដំណើរឆ្លងកាត់ពីខេត្តមួយទៅខេត្តមួយ ជាបណ្តោះអាសន្នរយៈពេល១៤ថ្ងៃ ()

ព័ត៌មានគួរចាប់អារម្មណ៍

អាជ្ញាធរខេត្តព្រះវិហារ ចុះត្រួតពិនិត្យគោលដៅអនុវត្តន៍បទបញ្ជារបស់រាជរដ្ឋាភិបាល លើការបិទការធ្វើដំណើរឆ្លងកាត់ពីខេត្តមួយទៅខេត្តមួយ ជាបណ្តោះអាសន្នរយៈពេល ១៤ថ្ងៃ ()

ព័ត៌មានគួរចាប់អារម្មណ៍

ធនាគារវឌ្ឍនៈ សាខាខេត្តបាត់ដំបង បានផ្តល់ម៉ាស់ ចំនួន ១២ម៉ឺន ៥ពាន់ ម៉ាស់ និងអាកុលចំនួន ៦០០លីត្រ ដល់រដ្ឋបាលខេត្តបាត់ដំបង សម្រាប់ប្រើប្រាស់ក្នុងការប្រយុទ្ធប្រឆាំងជំងឺកូវីដ ១៩ ()

ព័ត៌មានគួរចាប់អារម្មណ៍

អភិបាលខេត្តប៉ៃលិន ចុះសាកសួរសុខទុក្ខ និងនាំយកស្បៀងអាហារទៅឧបត្ថម្ភដល់កងកម្លាំង ដែលកំពុងឈរជើងការពារតាមគោលដៅ ខ្សែបន្ទាត់ព្រំដែនកម្ពុជា-ថៃ ដើម្បីរួមគ្នាប្រយុទ្ធប្រឆាំងការរីករាលដាលជំងឺកូវីដ-១៩ ពីក្រៅប្រទេស ()

វីដែអូ