ថ្ងៃសៅរ៍ ទី០៥ ខែធ្នូ ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
កម្ពុជា-ចិន ចុះហត្ថលេខាលើកិច្ចសហប្រតិបត្តិការវិស័យវិទ្យាសាស្ត្រ បច្ចេកវិទ្យា និងនវានុវត្តន៍
Thu,29 October 2020 (Time 04:48 PM)
ដោយ ៖ (ចំនួនអ្នកអាន: 61នាក់)

ភ្នំពេញ ៖ នៅថ្ងៃទី២៩ ខែតុលា ឆ្នាំ២០២០នេះ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍នៃប្រទេសកម្ពុជា និងគណៈកម្មាធិការវិទ្យាសាស្រ្ត និងបច្ចេកវិទ្យាទីក្រុងសៀងហៃ នៃសាធារណរដ្ឋប្រជាមានិតចិន បានចុះហត្ថលេខាលើអនុស្សរណៈយោគយល់ ស្តីអំពីកិច្ចសហប្រតិបត្តិការលើវិស័យ វិទ្យាសាស្ត្រ បច្ចេកវិទ្យា និងនវានុវត្តន៍ ដែលបានធ្វើឡើងតាមរយៈប្រព័ន្ធ ONLINE។

ហត្ថលេខីលើអនុស្សរណៈយោគយល់នេះ គឺរវាងឯកឧត្តមកិតិ្តសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រីរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងភាគីចិន តំណាងដោយលោក ZHANG QUAN អគ្គនាយកគ្រប់គ្រង គណៈកម្មាធិការវិទ្យាសាស្ត្រ និងបច្ចេកវិទ្យា ទីក្រុងសៀងហៃ។

ឯកឧត្តមទេសរដ្ឋមន្ត្រីបានបញ្ជាក់ថា អនុស្សរណៈនេះនឹងជួយជំរុញការអភិវឌ្ឍលើកិច្ចការស្រាវជ្រាវរួមគ្នាថ្មីៗ រវាងអ្នកស្រាវជ្រាវកម្ពុជា-ចិន ការផ្លាស់ប្តូរបទពិសោធន៍ ការផ្លាស់ប្តូរបច្ចេកទេស និងបច្ចេកវិទ្យា របកគំហើញថ្មីៗ រួមទាំងការសហការអនុវត្តគម្រោងថ្មីៗ។

ឯកឧត្តមបន្តថា អនុស្សរណៈយោគយល់នេះនឹងបង្កើននូវឱកាសសហការរួមគ្នាក្នុងអនុវត្តគម្រោងពាក់ព័ន្ធទៅនឹងចំណុចអាទិភាព ដូចជាការបណ្តុះបណ្តាលសមត្ថភាពផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ កសិកម្ម និងការកែច្នៃកសិផល អនាម័យ និងសុខភាព បរិស្ថាន ព័ត៌មានវិទ្យា និងទូរគមនាគមន៍ ជាពិសេស ការត្រៀមរៀបចំគំនិតផ្តួចផ្តើមក្នុងការបង្កើតឱ្យមានជាសាខាធនាគារបច្ចេកវិទ្យាបៃតងនៅកម្ពុជា។

ឯកឧត្តមទេសរដ្ឋមន្រ្តីបពោ្ជក់បន្ថែមទៀតថា ការបង្កើតឱ្យមានជាសាខាធនាគារបច្ចេកវិទ្យាបៃតងនៅកម្ពុជា គឺជាគំនិតផ្តួចផ្តើមមួយដ៏ល្អ ស្របតាមផែនការអភិវឌ្ឍប្រទេសចិន ហើយត្រូវបានបង្កើតឡើងដើម្បីកៀរគរ ចាត់ចែង និងសម្របសម្រួលដល់ការ​ប្រើប្រាស់មូលនិធិ ឬឥណទានបៃតង គាំទ្រដល់ការអនុវត្តគម្រោងវិនិយោគបៃតងខ្នាតធំ ដូចជាការវិនិយោគលើគម្រោងវារីអគ្គិសនី ថាមពលព្រះអាទិត្យ គម្រោងកាត់​បន្ថយការបំភាយឧស្ម័នកាបូនក្នុងវិស័យឧស្សាហកម្មនិងផលប៉ះពាល់បរិស្ថាន ពិសេសជួយដល់ការបង្កើនកិច្ចសហប្រតិបត្តិការលក្ខណៈអន្តរជាតិ ដូចជាកិច្ចសហប្រតិបត្តិការផ្លូវ និងខ្សែក្រវាត់ កិច្ចសហប្រតិបត្តិការត្បូង-ត្បូង រួមជាមួយការចូលរួមសម្រេចបាននូវគោលដៅអភិវឌ្ឍន៍ប្រកបដោយចីរភាព ឆ្នាំ២០៣០។

ដោយឡែក ភាគីចិន ក៏បានថ្លែងអំណរគុណដល់ កម្ពុជា ចំពោះការផ្តល់នូវកិច្ចសហប្រតិបត្តិការ​ក្នុងភាពជាដៃគូយូរអង្វែង និងជាមិត្តភាព ហើយបានគូសបញ្ជាក់អំពីការប្តេជ្ញាចូលរួមជំរុញនូវការអនុវត្តអនុស្សរណៈយោគយល់នេះ ឱ្យលេចចេញជារូបរាង និងលទ្ធផល ក្នុងពេលខាងមុខ៕

ព័ត៌មានគួរចាប់អារម្មណ៍

ឯកឧត្តម កុល វីរក្ស និងឯកឧត្តម ដួង តារា អញ្ជើញចុះសួរសុខទុក្ខ និងនាំយកអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចែកប្រជាពលរដ្ឋរងគ្រោះដោយជំនន់ទឹកភ្លៀងចំនួន ១០០០ គ្រួសារ ក្នុងស្រុកសង្កែ ខេត្តបាត់ដំបង ()

ព័ត៌មានគួរចាប់អារម្មណ៍

លោកឧត្តមសេនីយ៍ត្រី សាត គឹមសាន មន្រ្តីនគរបាលនៅមូលដ្ឋានពេលដែលទទួលព័ត៌មាន​ពីមហាជនភ្លាម ត្រូវចាត់វិធានការដោះស្រាយជូនគាត់ភ្លាមៗដោយមិនគឹតពីពេលវេលាយប់ ថ្ងៃឡើយ ()

ព័ត៌មានគួរចាប់អារម្មណ៍

លោកជំទាវ ឱ វណ្ណឌីន បញ្ជាក់អំពីការរៀបអាពាហ៍ពិពាហ៍អំឡុងកូវីដ-១៩ ()

ព័ត៌មានគួរចាប់អារម្មណ៍

រដ្ឋបាលខេត្តព្រះវិហារ ប្រារព្ធពិធីអបអរសាទរខួបអនុស្សាវរីយ៏លើកទី៦៧ នៃទិវាបុណ្យឯករាជ្យជាតិ ៩ វិច្ឆិកានិងខួបលើកទី១៦ នៃការគ្រងព្រះបរមសិរីរាជសម្បត្តិព្រះករុណាព្រះមហាក្សត្រ ()

ព័ត៌មានគួរចាប់អារម្មណ៍

ក្រសួងអប់រំដាក់ចេញវិធានការមួយចំនួនសម្រាប់គ្រឹះស្ថានសិក្សាដែលមានបុគ្គលិក និងសិស្សមានការពាក់ព័ន្ធនឹងគណៈប្រតិភូហុងគ្រី ()

វីដែអូ