ថ្ងៃព្រហស្បតិ៍ ទី១២ ខែធ្នូ ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
ព្រឹកនេះប្រជាពលរដ្ឋជាង ៤ពាន់នាក់ បានប្រើរថយន្តក្រុងសាធារណៈមិនអស់ថ្លៃ ធ្វើដំណើរទៅស្រុកកំណើត
Thu,26 September 2019 (Time 11:07 AM)
ដោយ ៖ (ចំនួនអ្នកអាន: 77នាក់)

(ភ្នំពេញ)៖ ប្រជាពលរដ្ឋប្រមាណ ៤.២៧០នាក់ បានធ្វើដំណើរតាមរថយន្តក្រុងដឹកជញ្ជូនសាធារណៈរបស់សាលារាជធានីភ្នំពេញ ដើម្បីធ្វើដំណើរទៅកាន់ស្រុកកំណើតរបស់ខ្លួន។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងកំលុងពេលបុណ្យភ្ជុំបិណ្ឌនៅឆ្នាំនេះ ក៏ដូចជាឆ្នាំកន្លងទៅដែរ បានសម្រេចឱ្យរថយន្តក្រុងសាធារណៈរបស់សាលារាជធានីភ្នំពេញដឹកជញ្ជូនប្រជាពលរដ្ឋទៅកាន់ស្រុកកំណើតទាំងទៅ និងមកដោយមិនគិតថ្លៃ។ ការសម្រេចបែបនេះ ដើម្បីជួយកាត់បន្ថយការចំណាយថ្លៃរថយន្តរបស់ប្រជាពលរដ្ឋ ហើយទុកប្រាក់ថ្លៃរថយន្តនេះសម្រាប់ជូនឪពុកម្តាយ និងសម្រាប់ចំណាយលើការធ្វើបុណ្យទានជាដើម។

យោងតាមសាលារាជធានីភ្នំពេញ បានឱ្យដឹងថា នៅព្រឹកថ្ងៃទី២៦ ខែកញ្ញា ឆ្នាំ២០១៩ ដែលជាថ្ងៃនៃការបញ្ចេញរថយន្តដឹកប្រជាពលរដ្ឋនេះ រថយន្តប្រមាណ ១២០គ្រឿង ត្រូវបានបញ្ចេញដឹកប្រជាពលរដ្ឋទៅកាន់ស្រុកកំណើត។ ការបញ្ចេញរថយន្តដឹកប្រជាពលរដ្ឋដោយមិនគិតថ្លៃនេះអាចធ្វើឱ្យប្រជាពលរដ្ឋសល់លុយថ្លៃចំណាយលើសំបុត្ររថយន្តទាំងទៅ ទាំងមកទាបបំផុតក៏៤ម៉ឺនរៀល ខណៈអ្នកខ្លះមានសមាជិកច្រើនអាចសល់រហូតដល់ ១០ម៉ឺន ទៅ២០ម៉ឺនរៀលក៏មាន។

បងប្អូនប្រជាពលរដ្ឋដែលបានធ្វើដំណើរជាមួយរថយន្តដោយមិនគិតថ្លៃនេះ សុទ្ធតែបានបង្ហាញក្តីសប្បាយរីករាយ។ ជាមួយស្នាមញញឹមពព្រាយពួកគេបានថ្លែងអំណរគុណដល់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ដែលតែងតែគិតគូរដល់សុខទុក្ខរបស់ប្រជាពលរដ្ឋ និងរិះរកគ្រប់វិធីដើម្បីសម្រួល និងកាត់បន្ថយការចំណាយថ្លៃរថយន្តរាល់ពេលមានបុណ្យទានធំៗរបស់ជាតិទាំងបុណ្យភ្ជុំបិណ្ឌ ក៏ដូចជាបុណ្យចូលឆ្នាំថ្មីប្រពៃណីជាតិខ្មែរ។

សូមបញ្ជាក់ថា សម្តេចតេជោ ហ៊ុន សែន បានសម្រេចឱ្យរថយន្តក្រុងសាធារណៈរបស់សាលារាជធានីភ្នំពេញ ដឹកជញ្ជូនប្រជាពលរដ្ឋដោយមិនគិតថ្លៃរយៈពេល៥ថ្ងៃចាប់ពីថ្ងៃទី២៦ ដល់៣០ ខែកញ្ញា ឆ្នាំ២០១៩។ ពោលការដឹកជញ្ជូននេះ ធ្វើទាំងការដឹកចេញពីរាជធានីភ្នំពេញទៅតាមបណ្តាខេត្ត និងដឹកពីតាមបណ្តាខេត្តចូលមករាជធានីភ្នំពេញវិញ ពេលចប់បុណ្យភ្ជុំបិណ្ឌ។

ព័ត៌មានគួរចាប់អារម្មណ៍

ឧត្តមសេនីយ៍ឯក រ័ត្ន ស្រាង សែនក្រុងពាលី បញ្ចុះបឋមសិលា សាងសង់ អាគារមូលដ្ឋានអាវុធហត្ថខណ្ឌដូនពេញ ដ៏ប្រណិតទាន់សម័យ! ()

ព័ត៌មានគួរចាប់អារម្មណ៍

អភិបាលខេត្តបាត់ដំបង៖ យើទាំងអស់គ្នាចងចាំមិនភ្លេចបានឡើយនូវស្មារតី ២ធ្នូ ដែលជាថ្ងៃប្រវត្តិសាស្រ្តរំដោះជាតិ ចេញពីរបបកម្ពុជាប្រជាធិបតេយ្យ ()

ព័ត៌មានគួរចាប់អារម្មណ៍

អាជ្ញាធរខេត្តបាត់ដំបង ប្រារព្ធទិវាអន្តរជាតិរំលឹកដល់ជនរងគ្រោះ ដោយគ្រោះថ្នាក់ចរាចរណ៍ផ្លូវគោក លើកទី១៤ ()

ព័ត៌មានគួរចាប់អារម្មណ៍

រដ្ឋបាលខេត្តកំពត ទុកពេល១៥ថ្ងៃ ឲ្យអាជ្ញាធរស្រុកកំពង់ត្រាច ចុះសិក្សារាល់បញ្ហាពាក់ព័ន្ធនឹងសំណូមពររបស់ពលរដ្ឋ រួចរាយការណ៍ជូនក្រុមប្រឹក្សាខេត្ត និងគណៈអភិបាលខេត្ត ()

ព័ត៌មានគួរចាប់អារម្មណ៍

រដ្ឋបាលរាជធានីភ្នំពេញរៀបចំពិធីបួងសួងសុំសេចក្តីសុខ ក្នុងព្រះរាជពិធីបុណ្យអុំទូក ()

វីដែអូ