ថ្ងៃព្រហស្បតិ៍ ទី១២ ខែធ្នូ ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
សម្តេច ទៀ បាញ់ អញ្ជើញបិទសិក្ខាសាលាបូកសរុបលទ្ធផលការងារបុគ្គលិករយៈពេល ៥ឆ្នាំ និងលើកទិសដៅអនុវត្ត ៥ឆ្នាំបន្ត
Wed,27 November 2019 (Time 05:57 PM)
ដោយ ៖ (ចំនួនអ្នកអាន: 19នាក់)

(ភ្នំពេញ)៖ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិ បានអញ្ជើញជាអធិបតីបិទសិក្ខាសាលាស្តីពី ការបូកសរុបលទ្ឋផលការងារបុគ្គលិក រយៈពេល ៥ឆ្នាំ (២០១៥-២០១៩) និងលើកទិសដៅអនុវត្ត៥ឆ្នាំបន្ត (២០២០-២០២៤) របស់នាយកដ្ឋានបុគ្គលិកក្រសួងការពារជាតិ។

ពិធីនេះ បានធ្វើឡើងនារសៀលថ្ងៃទី២៧ ខែវិច្ឆិកា ឆ្នាំ២០១៩នេះ នៅសាកលវិទ្យាល័យការពារជាតិ ដោយមានការអញ្ជើញចូលរួមពីសំណាក់មេបញ្ជាការកងយោធពលខេមរភូមិន្ទ ថ្នាក់ដឹកនាំក្រសួការពារជាតិ មេបញ្ជាការរង ថ្នាក់ដឹកនាំអង្គភាពចំណុះក្រសួងការពារជាតិ ព្រមទាំងសិក្ខាកាមជានាយទាហាន ពលទាហានយ៉ាងច្រើន។

ដោយឡែកលើកំណែទម្រង់កងយោធពលខេមរភូមិន្ទ គឺជាជម្រើសដែលមិនអាចខ្វះបាន ដើម្បីពង្រឹង ពង្រីកសមត្ថភាព លទ្ធភាព និងសក្កានុពលភាពរបស់កងទ័ពទៅតាមការវិវត្តន៍រីកចម្រើន របស់សង្គមនៃសម័យបច្ចេកវិជ្ជាទំនើប។

គួរជម្រាបថា ថ្លែងក្នុងពិធីបើកនាថ្ងៃម្សិលមិញ ដោយឈរលើប្រសិទ្ធភាព នៃការដឹកនាំបញ្ជា និងគ្រប់គ្រងកម្លាំង នាយឧត្តមសេនីយ៍ អគ្គមេបញ្ជាការ បានស្នើឲ្យអង្គសិក្ខាសាលាត្រូវយកចិត្តទុកដាក់ ពិនិត្យនូវការកំណត់ទិសដៅភារកិច្ច សម្រាប់ពេលខាងមុខដើម្បី បំពេញបន្ថែម ឬសំណូមពរចាំបាច់នានា សំខាន់លើបញ្ហាធ្វើកំណែទម្រង់លើគ្រប់វិស័យ ក្នុងនោះពាក់ព័ន្ធការបុគ្គលិករួមមាន៖

*ទី១៖ ការកែសម្រួលរចនាសម្ព័ន្ធចាត់តាំងមានលក្ខណៈសមស្រប ដែលបច្ចុប្បន្ននៅមានភាពសំពីងសំពោង ត្រួតគ្នា រវាងក្រសួងការពារជាតិ និងអគ្គបញ្ជាការ ក៏ដូចជាបណ្តាប្រភេទទ័ព យោធភូមិភាគ និងទ័ពជំនាញ។
*ទី២៖ ការគ្រប់គ្រងកម្លាំង ដឹកនាំបញ្ជាកម្លាំងទ័ព ត្រូវសមស្របតាមក្របខ័ណ្ឌកំណត់ ចៀសវាងការប្រមូលផ្តុំកម្លាំងនៅស្ថាប័នបំរើសេវាលើសការកំណត់ ការគ្រប់គ្រងកម្លាំងទ័ពត្រូវមានការឯកភាព និងការគ្រប់គ្រងតាមប្រព័ន្ធព័ត៌មានវិទ្យា។
*ទី៣៖ ការតែងតាំងផ្លាស់ប្តូរមុខងារ និងឋានន្តរស័ក្តិ កុំឲ្យពិភក្សាលំអិតលើគម្រោងផែនការដែលជំនាញបានដាក់ឲ្យ ដោយផ្អែកលើច្បាប់ស្តីពីលក្ខន្តិកៈទូទៅចំពោះយោធិន នៃកងយោធពលខេមរភូមិន្ទ និងបទដ្ឋានគតិយុត្តិនានា។
*ទី៤៖ ការដាក់យោធិនឲ្យចូលនិវត្តន៍តាមច្បាប់កំណត់ តាមសេចក្តីណែនាំរបស់ក្រសួងការពារជាតិ និងអគ្គបញ្ជាការដ្ឋាន។
*ទី៥៖ ការជ្រើសរើសទ័ពបំពេញក្របខ័ណ្ឌ ត្រូវយកចិត្តទុកដាក់សម្រិតសម្រាំងតាមលក្ខខណ្ឌកំណត់ ដើម្បីធានាបានទាំងបរិមាណ និងគុណភាណ។
*ទី៦៖ ការបណ្តុះបណ្តាល ត្រូវជ្រើសរើសនាយទាហាន នាយទាហានរង និងពលទាហាន មានស្នាដៃល្អ និងមានអនាគតរីកចម្រើន និងប្រើប្រាស់សមស្របតាមមុខជំនាញ ដែលបានបណ្តុះបណ្តាល។
*ទី៧៖ ការងារសន្តិសុខផ្ទៃក្នុងត្រូវយកចិត្តទុកដាក់ជ្រើសរើស និងប្រើប្រាស់យោធិនឲ្យគោរពច្បាប់ មានភាពស្មោះត្រង់ចំពោះជាតិ សាសនា ព្រះមហាក្សត្រ និងគោរពច្បាប់បង្ការ ទប់ស្កាត់ការជ្រៀតចូលកម្លាំងអមិត្តក្នុងកងយោធពលខេមរភូមិន្ទ៕

ព័ត៌មានគួរចាប់អារម្មណ៍

ឧត្តមសេនីយ៍ឯក រ័ត្ន ស្រាង សែនក្រុងពាលី បញ្ចុះបឋមសិលា សាងសង់ អាគារមូលដ្ឋានអាវុធហត្ថខណ្ឌដូនពេញ ដ៏ប្រណិតទាន់សម័យ! ()

ព័ត៌មានគួរចាប់អារម្មណ៍

អភិបាលខេត្តបាត់ដំបង៖ យើទាំងអស់គ្នាចងចាំមិនភ្លេចបានឡើយនូវស្មារតី ២ធ្នូ ដែលជាថ្ងៃប្រវត្តិសាស្រ្តរំដោះជាតិ ចេញពីរបបកម្ពុជាប្រជាធិបតេយ្យ ()

ព័ត៌មានគួរចាប់អារម្មណ៍

អាជ្ញាធរខេត្តបាត់ដំបង ប្រារព្ធទិវាអន្តរជាតិរំលឹកដល់ជនរងគ្រោះ ដោយគ្រោះថ្នាក់ចរាចរណ៍ផ្លូវគោក លើកទី១៤ ()

ព័ត៌មានគួរចាប់អារម្មណ៍

រដ្ឋបាលខេត្តកំពត ទុកពេល១៥ថ្ងៃ ឲ្យអាជ្ញាធរស្រុកកំពង់ត្រាច ចុះសិក្សារាល់បញ្ហាពាក់ព័ន្ធនឹងសំណូមពររបស់ពលរដ្ឋ រួចរាយការណ៍ជូនក្រុមប្រឹក្សាខេត្ត និងគណៈអភិបាលខេត្ត ()

ព័ត៌មានគួរចាប់អារម្មណ៍

រដ្ឋបាលរាជធានីភ្នំពេញរៀបចំពិធីបួងសួងសុំសេចក្តីសុខ ក្នុងព្រះរាជពិធីបុណ្យអុំទូក ()

វីដែអូ